سؤال للمصريات المتزوجات

عاوزة اعرف جميع مكونات المطبخ الواجب شرائها قبل الزواج بالعدد وايضا تقريبا كم عدد الفوط

شوفي يا ستى


انتى عايزة تعرفي الحلل والطاسات والحاجات دى ولا
كمالياته
علاقات المناديل والصوانى والفوط

على العموم انزلة ميدان الجامع عند العربي لمستلزمات الديكور وهاتى من عنده ...

1-هتلاقي عمود طويل اسنالس ستيل بيتعلق عليه بخطافات كده شبه حرف S وحدات للصوانى ولوراقة المناديل وكام خطاف فاضين عشان فوط المطبخ
هتلاقي كمان استندات عشان علب التوابل

2-
هاتى طقم توابل صغنن وكتير كزا واحده يعنى عشان الفلفل والبهارات والكمون والحبهان وزى مانتى عايزة ممكن 6 يكفو

3-
ممكن تجيبي سكريات او طقم شيك عشان السكر والشاى والقهوة واللبن البودرة
ومعالق تقديم ومعالق غرف

انا جايبة كل ده بالاضافة الى طقم اكل صينى لينا مكون من عدد 6 لكل حاجه زى اطباق الشوربة والاصغر واطباق مفلطحة وغويطة وشوك وسكاكين ومعالق صغيرة وكبيرة عددهم 6 برده

4 -
6 كوبايا شرب ميا
و 6 للشاي
و 6 للقهوة

مش عارفه انتى قصدك على ايه بالضبط بمكونات المطبخ دى بعد مادوشت دماغك بحاجات كتيرة
ياريت تحددى لي انتى قصدك على ايه بالضبط وانا تححت امرك يافندم وربنا يتمم لك على الف خير

شوفي يا ستي
أولاً محتاجة طقم حلل 4أو 5 مقاسات وفوالة ولبانة (ويفضل صحيا) الإستالس ستيل
ثانياً صواني الفرن محتاجة مدورمقاسات 2أو 3 مستطيل مقاسات 2أو 3
طقم إستخدام شخصي 6أطباق مفرود وشربة وغويط وسلاطبن صغيرة وملاعق وشوك وسكاكين 6كيبر وصغير طقم توزيع صفاية ملاعق وصفاية أطباق ،6 كوب ماء مج ( العدد اللي أنتي محتاجاة ممكن 2 كفاية ) طقم علب تلاجة بغطاء ويفضل الزجاجية 2شفشق بلاستيك و1 زجاجي لاللبن طقم توابل كفاية 6 علب مبشرة قطاعة خضار سكاكين أحجام مختلفة براد شاي صغير وأخر كبير 2فوطة مطبخ مريلة مطبخ مساكات
طقم صيني بيركس أو أركوبال كامل طقم ملاعق وشوك وسكاكين طقم توزيع شيك
الفوط اللي أنتي عايزاها فوط أييييييييييييية مطبخ ولا حمام ؟؟؟؟؟؟؟؟؟؟؟ وربنا يكملك علي خير بس متنسيش تعزمينا