سؤال للمتزوجات

عاوزة اعرف جميع مكونات المطبخ الواجب شرائها قبل الزواج بالغدد وايضا تقريبا كم عدد الفوط

عدد الفوط لازم يكون على قد عدد كراسي السفرة ولكن الضعف عشان لزوم الناس الكتير واحتياطي وبالنسبه لفوط المطبخ هاتيها كتير احتياطي

ياااااااااااااه يا يويو
دا سوأل اجابته طويله اوي
استني بس لما تتقري الفاتحه وتشوفي هتلبسي ايه فيها
وبعدين لما يتحدد يوم الفرح انشاء الله هنقولك كل يوم حاجه ههههههههههههههههههههه
ربنا يوفقك ويسعدك

اولا الف الف مبروك وربنا يوفقك ان شاء الله

ثانيا انا حاقولك على الحاجات اللى تشتريها بس العدد نسبى من بيت لبيت حسب مساحة المطبخ وحسب الامكانيات المادية طبعا ....


1 - فوط المطبخ ممكن تبدأ من 6 فوط على الاقل... وطبعا لوتقصدى فوط السفرة هى 12

2 - الحلل التيفال تبدأ من مقاس 14/16/18/20/.... ممكن تفوتى مقاس وتجيبى مقاس يعنى مثلا ماتجبيش 18 وتجيبى 20 تفوتى 22 وتجيبى 24 وده كمان حسب مساحة مطبخك لو تقدرى جيبى 6 من اول 14 ... وخدى بالك ماتجبيش حلل بغطاء بيركس هو شيك صحيح بس لو اتكسر منك ( وده وارد طبعا ) الحلة بتضيع عليكى

3 - الاكواب والكاسات واكواب المياه جيبى طقم عادى لاستعمالك انتى وجوزك واطقم قيمة للضيوف على اساس ان طقم الاستعمال اليومى مش ضرورى يكون غالى لانه بيستهلك جامد ومعرض للكسر

4 - نفس الكلام عن الاكواب والكاسات طبقيه على اطباق الصينى للاستعمال اليومى

5 - طقم بهارات وتوابل

6 - طقم شوك وسكاكين وملاعق ... ده كمان جيبى برضه طقم استعمال يومى

7 - بلاش تجيبى حلل الومنيوم لانها غير صحية على الاطلاق وجيبى مكانها حلل استانلس

كفاية عليكى كده دلوقتى دول حايفلسوكى ولما اقدخل المطبخ حاشوف ايه تانى ناقص وارجع اقولك

لو عايزة ماركات معينة ممكن اساعدك

يالا سلام دلوقتى ......

مبروووووووووووووووك