الله يسامح زوجي خرب تسريحتي بالعطر ساعدوني ....

[align=center]السلام عليكم ورحمة الله وبركاته

كيفكم الغاليات ان شاء الله تمام

أقولكم فيه مشكلة عندي ومتضايقة حيل منها

مره كنت مسافره وزوجي قبل لا نطلع حطه غرشة عطر على التسريحة وكانت مايلة

وتسرب العطر لان مو من النوع البخاخ على التسريحة

وتصوروا ما مر على الغرفة وقتها شهر

لما رجعت شفت البقعة كامل راحت صبغتها وبين الخشب اهي اهي :36_1_4:

المشكلة ان الاثاث بني محروق يعني غامق جدا

شوفوا قبل وبعد اهي اهي :36_1_44:

مو عارفة شو اسوي من الضيق عشان اعدل الموضوع كله اغطيه باكسسوارت

قبل

[img][/img]

وبعد

[img][/img]

بليز بنات قولولي شو اسوي مو عارفة اشلون اتصرف عشان لو صبغتها تكون طبيعية ومو امبينه

انا شارية الغرفة من هوم سنتر يعني لو تفضيل كان ممكن يعدلوها لي بس هي جاهزة

ساعدوني بليز

انا ما عرفت وين انزل الموضوع خخخخخخخ لا تعصبوا يا المشرفات[/align]

ويلا يهمك اختي
اذا على التسريحه ممكن تحطي شال او ساتان شفاف وتكرمشيه وتضعي سلال المكياج واوراق ورود وهيك ما بيبن

اي حبيبتي انا زي ما قلتلك الحين كله مغطية على الموضوع بالاكسسوارات بس انا أبغى أغطيها دوم لان مكان البقعة على الطرف ومو حلوه أكدس التسريحة بالاغراض

اختي حزن ..
بما ان صبغ .. ممكن تقولين لزوجج يجيب نجار على شان يصبغ هالمكان و يلمعه و يرجع مثل ماكان

فيه مفرش يجيك مستطيل وطويل ممكن تحطيه بحيث يجي على البقعة وفي نفس الوقت ما يختفي سطه التسريحة كامل

يعني شبه اللي في الصورة الطويل اللي عليه الصحون وطبها تختاري شي يمشي مع لون الغرفة

أختي حزن

كما قالوا لك الأخوات ممكن تغطيه بمفرش يكون يتناسب
مع لون التسريحة وممكن تشوفي أي محل خاص بدهان الأثاث
وتستشيريه وأن شاء الله تجدي الحل .

في السوق وخصوصاً بمحلات البناء، تجدين أقلام تلوين، وهي ثلاثة ألوان خشبية بتدرجات مختلفة، وهي مخصصة لتلوين أي بقعة على الخشب تأبى أن تزول، وأنا جربتها وهي مفيدة جداً لتصليح عيوب أي طاولات خشبية. هذه الفكرة الأولى.
الفكرة الثانية: في محلات الدهان تجدين علب staining وهي لدهن الخشب بلون غامق ولكن شفاف، تدهنين أول طبقة كل المكان، فإن أعجبتك النتيجة فاتركيها، أو أضيفي طبقة أخرى للون أدكن.

تسلموا حبيباتي معلوماتكم رائعة جدا

اختي ايمان علي

معلوماتك رائعة وان شاء الله ألقى الاقلام او الدهان الي ذكرتيه

شكرا حبيبتي

كتبت بواسطة إيمان علي

في السوق وخصوصاً بمحلات البناء، تجدين أقلام تلوين، وهي ثلاثة ألوان خشبية بتدرجات مختلفة، وهي مخصصة لتلوين أي بقعة على الخشب تأبى أن تزول، وأنا جربتها وهي مفيدة جداً لتصليح عيوب أي طاولات خشبية. هذه الفكرة الأولى.
الفكرة الثانية: في محلات الدهان تجدين علب staining وهي لدهن الخشب بلون غامق ولكن شفاف، تدهنين أول طبقة كل المكان، فإن أعجبتك النتيجة فاتركيها، أو أضيفي طبقة أخرى للون أدكن.

كنت متأكدة من هذه الاجابة ..

انصحك بما نصحتك به إيمان ..

الله يسلمك ويبارك فيك أم بلال..

تسلمي الغالية وبحاول اشوف شو الحل الي اقدر عليه واسويه ان شاء الله