ياهيك اللطش يا بلا -- حولي علبه المحارم القديمه الى تحفه بالصور

مسى الفل يا احلى منتدى الي من فتره بدور على حاجه حلوه عندي اشياء في البيت زهقت منهن وحابه اغير
ومره وانا عم اتصفح لقيت شغله حلوه وهي علبه محارم مغطاه بورق الجرائد ومزينه بالصدف للاخت بنت النور
وعملتها وطلعت تحفه وحبيت افرجيكم الصور طبعا هي مش الي بس ملطوشه على بين ما تتزبط الكاميرا
طبعا عجينه الورق الكل عارفها
واخذتها من هذا الرابط
دراسة شاملة ومهمة للجميع عن عجينة الورق ( أنواعها -تلوينها- استخداماتها - تنظيفها)

وعملتها بالعجينه الخشنه بس قصاصات الورق ما كانت كبيره كثير كثير
واخليكم مع الصور



وبعد التغطيه


طبعا زي ما بتقول الاخت اعملي حركه في العلبه مش تكون كلها ملساء يعني اشي طالع واشي نازل

هيك يعني

وبعد التلوين تزين بالصدف او حسب الذوق




وهي الشكل النهائي


طبعا انا اللي سويتها لسه احلى مع كل الشكر لصاحبه الفكره الاصليه بنت النور من عالم حواء
وحبيت بس افيدكم بالفكره

ياااااااي تسلم الأيادي الفكرة مرة حلووووة

تسلم إيديكِ هنولة، شكلها سهلة، بس أنا عندي نفس العلب في الصورة الأولى، وهذه بعتبرها أجمل الأشكال، يعني حرام نخربها
ولهذا بفكر أعمل هيك شيء بعلب الكرتون العادية اللي بتيجي فيها المحارم.. بتطلع تغيير شكل عن جد.. وما ننسى نفتح الأرضية طبعاً

تسلم إيديكي عزيزتي هنلي
شكلها ظريف وسهل

يسلمو هالايدين يا هنلي شكلها كتير حلو

وسهله في نفس الوقت .

السلام عليكم ورحمة الله وبركاته

بتعرفي يا ايمان كلامك صحيح خسارة نخرب شكل العلبة
بس بالنسبة لتجربتها مباشرة على الكرتون المناديل مش متاكده انها بتزبط العجينة على العلبة
نفسها الا اذا غلفتيها بالقصدير وبعدين وضعتي العجينى لانه العجينة رح تكون شوي مبلولة
وهادا ممكن يخلي العجينة ما تمسك على الكرتون .
هادا رايي لسه ما جربتها على الكرتون مباشرة

مشكورة حبيبتي على الفكرة

تسلم ايدك

عيني عليك يا عسل
عندي علبة قديمة شوية وبلش اللون يبهت عليها بس الارضية من المخمل

الفكرة الملطوشة حلوة خليني احتفظ فيها لوقت فراغ اعملها
وكثر من اللطش يا حلامية.........

تسلم الأيادي

تسلمين يا هنوله على اللطش، بصراحة كل لطشاتك > يا هيك اللطش يا بلا<

يمكن اسويها لين توفرت عندي الحاجات