من تساعدني في جلب افكار لتغليف الهدايا

**الجنان** · 12-12-2001, 06:51 PM

الله يخليكم ودي بالرد هالحين عشان تغليف الهدايا
وارجو انها تكون بالصور
تكفون بنات

**الجنان** · 13-12-2001, 01:47 AM

شدعوه شنوذاه دخلتو مافكرتو تجبرون خاطري بكلمتين

**تسنيم** · 13-12-2001, 02:30 AM

صراحة فكرة جدا رائعة يا جنان (((طبعا هي طلب لكن في النهاية سيكون هناك حصيلة طرق لتغليف الهدايا لكل من أراد أن يستفيد)))
أنا الحين ما عندي لكن إذا لقيت ما راح أقصر
و أنا متأكدة أيضا إن الأخوات ما راح يقصرون معاك

**خزومه** · 13-12-2001, 04:43 AM

السلام
عندي فكرة مبتكره وما تكلف
*غلفي الهديه بورق جرايد تفضل جرايد اجنبيه علشان مايكون فيها اسم الله .
*بالمكتبات ورق تغليف بني كنا نستعمله من زمان لتغليف الكتب ,غلفي الهديه به واربطي الهديه بأي شريط لأن كل الألوان تناسب .
ارجو ان تكون افكاري المتواضعه تعجبك
*

**الجنان** · 13-12-2001, 07:38 AM

تسلمون حبايبي وفكره حلوه مافكرت فيها التغليف بالجريده
والله يوفقكم

**وتين** · 13-12-2001, 01:07 PM

مثلا تقدرين اذا كانت الهديه او الكرتون صغير تغلفينه زي حبة
الحلاوه يعني تربطين الطرفين بشريطتين مختلفتين في اللون
واذا كانت الهديه مثلا ساعه او قطعة ذهب تشيلينها من علبتها وتحطينها
في العلب الجاهزه الي مرسوم عليها ورود او غيره وتنباع في المكتبات وبسعر رخيص
وتاخذين ورقه
ملونه وتعفصينها وتعجنيها بيدك الين تصير مجعلكه وتضعينها في
اسفل العلبه ثم تأخذين عقد لؤلؤ وتضعينه فوق الورق او تنثرينه
وبعدين تضعين الهديه وتوله من العوده(دهن العود)
وقطعة حلوى مما تفضلين اوبطاقة مكتوبه

وبعد اذا كانت الهدية لمولود اوغيرذلك فيه سلات من الخصف
تنباع في المحلات العاديه مثل رامز في الدمام وسعرها مابين
5-10-15 ريال وأشكالها حلوه جدا تضعين الهديه فيها وتتغلف بالجلاد
الشفاف الى يكون عليه رسوم طبعا ماهو الي يلزق
ارجو ان تسعدي دوما

**الجنان** · 13-12-2001, 07:06 PM

مشكوره تعبتك معي

**سيدة** · 26-12-2001, 08:29 PM

توجد طريقة اخر شياكة
عارفين ورق التل الأبيض الدائري اللذي يوضع تحت الجاتوه والطورتة ...... منه احجام
احضريه وقصيه من الى المنتصف فقط - يعني قصي نص قطر الدائرة - ولصقي الورق على على زوايا العلبة اخذت الفكرة من موقع بناتين ركن الهوايات

**ام وديمه** · 27-12-2001, 11:01 PM

مرحبا اموووووت في تغليف الهدايا والافكار الجديده.......
عزيزتي الجنان....
بصراحه ما اعرف كيف الهديه.....
بس ممكن اقولك:
اولاً :
إذا كانت اكثرمن هديه ممكن تشترين سله من الهوم سنتر والسلة قصدي الخشب اللي يكون شكلها قديييمه وغريبه او حتى ممكت تكون مثل سلة (القمامه) عميييييقه.....
تأتين بأي سله وتضعيه اول شي فيها ورق ثم تضعن الورق الشفاف ....وبعدها نأتي للهدايا
هدية رقم1:
تغلقيها بلون مثلاً اخترت الوردي تغلفيها بورق وردي ساده ....وتأتين بشرائط صغيييره وكبييره وردي وابيض ......وتأتين بكم متر تور ( تول ابيض ووردي) ....
تغلفين الهديع بلون وردي وتضعين لها في منتصفها ثلاث شرائط قصدي تلفين الشريطه وتلصقينها بصمغ الشمع ....( المسدس) وتلفين شريطه اخرى وتلصقينها ...والثالثه كذلك.....
وتعملين فيونكات بنفس الشرائط وتلصقين ثلاث فيونكات على كل شريط.....
هديه رقم2:
تلفين الهديه بتور ابيض مثل الكيس وتربطينهافي النهايه بشريط وردي.....وتعملين فيونكه....
هديه 3:
ممكن تجلدين الهديه بجلاد ابيض وتضعين شريطه في المنتصف وتلفيها وتلصقين الاطراف وتعملين فيونكه بنفس الشريطه وتلصقينها......
تشترين إطار صوره خشب مثل لون السله وتكتبين عليها كل عام وانت بخير او مبروووك او اي شي....وتضعينه في السله بطريقه مرتبه مع الهدايا.......وآخر شي تلفين السله بورق شفاف وتربطينه بتور وردي وتكونين قاصه التور طوووويل وتضعين بداخل التول شريطتان وتلفين التور عليها وتربطين الهديه به بشكل فيونكه....
إذا كانت هديه واحده:
ممكن تجلديها بلون فاتح وتلصقي في النصف شرائط رفيييييييييعه جداً اللي تكون مطرزه شوي بس تكون الوانها تليق بالجلاد.......
تأتين بالاوراق المقصصه رفييييع وتحشين بها الكيس كيس الهديه وتضعيه الهديه.في الداخل....
وإذا تذكرت شي سأكتبه.....
واتمنى ام اكون افدتك.....
تحياتي.....

**ام وديمه** · 30-12-2001, 09:43 PM

مرحبا الجنان....\اقصد مثل هذه السله.....

وهذه افكار اخرى......

واتمنى ان تعجبك......

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: من تساعدني في جلب افكار لتغليف الهدايا

أدوات الموضوع

العرض