ما هي افضل انواع القدور؟

مع اختلاف انواع القدور في الاسواق
ومع تعدد الانواع والاشكال نقف حائرين
اي هذه القدور افضل
فبعضنا يفضل التيفال واخرى تفضل الاستيل وغيرها
فما هي نوعية قدورك؟
وهل هي جيدة ويلتصق الطعام؟
وهل مع كترة الاستخدام تخدش من الداخل؟

رح ابدا اولا
انا عندي تيفال انا استخدمهم لانه لا يلتصق فيها الطعام
لكن للاسف بتتخدش من الداخل مع الاستعمال والجلي
والمرة القادمة ان شاء الله رح اشتري استانلس ستيل
وافضل انواع الستيل هو 10/18 وتكون سميكة القاعدة
والجوانب
والقاعدة تحتوي على 3 طبقات استانلس ستيل المنتصف
المنيوم ثم استانلس ستيل
وان تكون يد الطنجرة ملتصقة جيدا فيها ومن الاستيل
والاستيل هي اقل الانواع ضررا وتفاعل موادها مع الاطعمة
واكثرها ضرر الالمنيوم

Stainless steel with a label of 18/10 (chromium steel/nickel steel)
is the best type of cookware. Select a model with a 3 ply, sandwiched
metal base consisting of layers of SS+aluminum+SS, or SS+copper+SS.
Look for stainless steel
handles that are riveted to the pan. This means the pans can go into
the oven, and there is no danger of melting a plastic covered handle
if it accidentally gets too close to a hot burner

وننتظر مشاركاتكم

ملتوش الموضوع من ايمان وام سمية

مرحبا أم زيد يعطيكى العافية
بتعرفى من فترة فكرت فى الموضوع لأنه نويت أغير طقم الطناجر اللى عندى كان بدى أشترى طقم استانلس تماما متل اللى بتحكى عنه،، راح أولادى وأبوهم الله يبارك فيهم اتطوعوا يشترولى طقم بس على كيفهم دون استشارتى لأنه كان فيه مناسبة وقالوا هاى أحسن هدية.. وجابلى طقم طناجر نوفال وهو صناعة مصرية بتعرفى طقيت من الغيظ بس ما حبيت أكسفهم حرام
لكن لحد الآن والطناجر مثالية فى الطبخ والتنظيف كذلك يعنى بنظفها فقط بسائل الجلى والإسفنجة من الداخل وبفرشاية خاصة من الخارج لأنها من الأسفل مخططة بشكل دائرى.
بس أنا إن شاء الله تعالى ناوية جيب طقم تانى فى الوقت المناسب،،،
تحياتى

من كم شهر طقت في راسي
ابدل الطناجر يللي عندي زهقتهم من يوم وصلت غزة وانا باستعملهم وبصراحة المونيوم

اشتريت بالتدريج استانلس ستيل 18/10
وللرز 3 طناجر تيفال وبنت حماي كانت بعثت لي من الضفة ثلاث صواني بريفيكتو من يللي قالت عنهم ام سمية بصراحة ولا اروع.
وعندي قوالب الجاتوه من التيفال
وحاليا ناوية اشتري مقلاة الكريب لاني باستعمل المقلاة العادية بس وقت اقلب الكريب مابتساعدني كويس

لو بتعرفوا حدا نازل الاردن يجيب لي طقم التيفال يللي تركتو بتعملوا معروف وبتوفروا علي كثير..

اهلا فيك جبل النور
ان شاء الله المرة الجاي بتجيبي الي في خاطرك
وانت قبل المناسبات بفترة قولي ايش بتحبي
لحتى يعرفوا ايش بتحبي بدون ما يسالوك

اهلا وعود
انا هادي الماركة ما شفت منها عنا هون
البيرفيكتو
لكن في انواع كتير خاصة وفي ماركة تانية
LAGOSTINA هادي نوعها ممتاز

وبالنسبة لطلبك غالي والطلب رخيص


ايش وين البنات ايش ما عندكم طناجر
تعطونا تجاربكم!!!!!!!!!!!!!!!!

تسلمي يا ام زيد ربي يبارك فيك

الصبايا راحو يفتشو عن الماركات وراجعين

البريفكتو .. هذه بعثتها بنت حماتي
يبدو انها متوفرة في اراضي ال48 والضفة بس

جبل النور .. اعملي مثلي
قبل المناسبة بشهر بقعد ازن وازن واقول بدي اشتري نوع كذا ...وبدي وناقصني
وسلامتك بتمر المناسبة مرور الكرام .. ماحدا بيتذكر..

بس بتعرفوا انا الغلطانة لانهم لما كانوا يسألوني شو بدك هدية
كنت اقول لهم هديتي معروفة التفوق في الدراسة وما بدي شي تاني..

أنا بالنسبة اللي من يوم ما تزوجت جابتلي أختي من الضفة طنجرتين ستانلس خفيف تمشاية حال ...وحدة أعطيتها لأمي و التانية بغلي فيها بيبرونات الولد
بعدين قررت أني بالتدريج أشتري غيرهم وحياتكم لحتى الأن عندي واحدة بس بعمل فيها كل شي مالح و حلو ستانلس 18/10 النوع المنيح و طبعً تخيلي الحوسة لما بتعملي عزومة أمي جابتلي إياه و بالنسبة للباقي لحتى الان ما جبتهم ...و كمان كسرولة صغيرة للرز بستخدمها..
كسل شو تقولوا كل شهر بيطلعلي فنعة غير شكل ..
و المقالي عندي اتنين واحدة كبيرة و الثانية صغيرة ستانلس منيح ..
بيضل على طناجر تيفال للرز و بقيت طقم الستانلس المزعوم اني رح أجيبة كل شهر ....
مش عارفة وقتيش رح يجي هالشهر

منورة دعاء
صدقيني هالشهر ما راح يجيي ابدا

بتعرفي شو عملت
طلبت من زوجة زميلي في العمل تتشتري لي كل شهر شغلة وهيك التزمت اني ادفع لها
وهلأ قوالب الكب كيك في الطريق يا دعاء الت اشترتهم بس زوجها مكسل يجيبهم.

على أحر من الجمر لقوالب الكب كيك ،،
و وريني شطارتك و هاتيلي الطريقة...
و شو ممكن أعمل فيهم ...

يا وعود أنا عملت هيك وكنت أقول وأزن أزن أزن أزن لحد بدى بس غلطت اللى ما حددت النوعية بس معليش
بعد ما أخلص الزنة اللى فى إيدى برجع تانى لموضوع الطناجر بس شكلها ماما اللى حتتورط فى زنة الطناجر يا أختى
سلام

دعاء في طريقك لمحل البستان يللي قدام كاظم
بتلاقي الطناجر اشكال والوان
وكما الكب كيك .. اذا ما خلصوا
بس خلي بالك الاسعار غالية
والغالي سعره فيه