اي الأفران ....؟؟؟؟؟

**atyaf** · 20-10-2001, 01:42 PM

السلام عليكم ورحمة الله وبركاته....
اخواتي الطباخات اكيد عندكم فكره عن افران الطبخ ، ممكن ترشدوني لماركة فرن ممتازه لإني بصراحة سوف اذهب اليوم لشراء فرن لكن ماعندي خبره عن الافران وسمعت ان بعض الانواع خطره ..
فارجوا نصحي من خلال تجاربكم .
لاتتركوني طويلا................................... .

**ام وديمه** · 20-10-2001, 02:00 PM

مرحبا اطياف.........انصحك بشراء فرن كهربائي.......ومن عند اللي يبيعوا للمطاعم هذه الافران احسن والضمان اكثر........عندنا فرن من 14 سنة ولحد الحين ما صار له شي وكأنه جديد........هو كهربائي بس ما اعرف ماركته.......

**atyaf** · 20-10-2001, 02:22 PM

مشكورة اختي.. ام وديمه على النصيحه..من زمان ادور وحده عندها فرن كهربائي علشان اسئلها الحمد لله .. بس عندي استفسار بالنسبه للفرن الكربائي ....
1 هل هو بطيء في الطبخ
2 هل يسبب الالتماس
3 هل طريقة غسيله سهله ....
وارجوا ذكر الماركه ضروري جدا ...

**ام وديمه** · 20-10-2001, 03:01 PM

مرحبا اطياف........
شوفي الماركه مش مبينه اصلا لأن الاسم انمحى.......بس شوفي اهم شي يكون المحل يبيع للمطاعم والفنادق افران لأنها احسن شي صدقيني......
جواب سؤالك الاول: تدرين هو احسن من الغاز بكثييييييييييير.....
جواب سؤالك الثاني: لا يسبب الالتماس مثل ما قلتلك لازم يكون نوعه ممتاز......
جواب سؤالك الثالث:طريقة تنظيفه سهله جداً لأنه من الستانستيل......
تمنيت ان اعرف الماركه.....تراني انسى ؟؟؟؟؟؟؟؟
المهم مثل ما قلت لك اهم شي ان المحل يبيع للمطاعم ترى يبيعون لهم افران رهيييييييييييييبه....
اسأل مجرب .......
تقدرين تنتظرين الى غداً لأعرف اسم الماركه او سوف اسأل المحل؟؟؟؟؟؟؟

**سيدة** · 20-10-2001, 03:04 PM

هلا اختي اطياف
انا عندي فرن صغير ثلاثة عيون غاز وواحدة عين بالكهرباء تنفعني لمن يخلص الغاز فجأة
والفرن من الداخل بالكهرباء وهو أأمن و افضل بالذات للحلويات لأن الحرارة بتكون متوزعة
ماركة الفرن اسمها indesit

**atyaf** · 20-10-2001, 06:48 PM

شكرا على النصيحه ياام وديمة ... وسيدة ..والله يعطيكم العافيه تعبتكم معاي ..

**زوزو** · 21-10-2001, 12:40 AM

بسم الله الرحمن الرحيم
عزيزتي أطياف ...
أعتقد إنه الأخوات ما قصروا معاكِ وعساكِ لقيتي الفائده إن شاء الله .. حياكِ الله معانا ....
ولكم تحياتي .

**أسيرة الغربة** · 21-10-2001, 12:52 AM

انا جربت الغاز والكهرب وكل واحد له مميزات ...... الكهرب رهيب بالمرة للمعجنات والكيك والأشياء الي تحتاج لنار هادئة مثل الجريش والهريس لأنه ماتنطفي ناره مثل الغاز إذا قصرت النار عليه .

لكن الغاز ممتاز للرز لأنه يحتاج نار قوية وإذا طبختي عليه قدر كبير يستوي من جميع الجهات بخلاف الكهرب لأن الكهرب يسويلك جزء القدر الي على العين والأطراف تجي حب لذلك إذا سويت الرز في فرن الكهرب اعمله جوى الفرن من تحت حتى اضمن ان النار تجيه من جميع الجهات .

**التاج** · 21-10-2001, 01:54 AM

ماشاء الله عليكم
اول شيء الف مبروك الفرن الجديد بعد شرائه مقدما

والاخوات ماقصرووووا
وانا مع الاخت أسورة لاني فعلا جربت الاثنين الكهربائي حلو للكيكات والفطائر اما الغاز افضل للطبخ الدسم مثل الارز والادامات وغيرها ولها طعم احلى من الفرن الكهربائي.
ولكم تحياتي

اختكم التاج

**atyaf** · 21-10-2001, 10:09 PM

اشكركم جميعا على المشاركة ، والله يبارك فيك اختي التاج .
وفعلا يا اسيرة الغربه كلامك صحيح.
وزوزوفعلا الاخوات ما قصروا معاي.
وابشركم شريت فرن بالغاز ( غليم غاز )الجديد