بسم الله الرحمن الرحيم
السلام عليكم ورحمة الله وبركاته
بدي احكيلكو ها القصة في البداية
محسوبتكو راحت على محلات الهدايا لتشتري مفرش طاولة جميل لطالتها الجميلة
بصراحة ما اشتريت وزعلت وانقهرت كتير
لانه كل اللي موجود غالي ( وبين قوسين زيادة عن اللزوم) قماش عادي ومافي شي مميز الا سعر الفوق مميز
وانا مروحة اجت عيني على محلات البرادي
وصرت احكي برادي؟
نعم مافيها شي
وفعلا وقفت ودخلت اول محل برادي بصادفني وهناك حكيتله بدي اشتري متر قماش لو سمحت
حكالي لشو؟
حكيتله عشان اعمله مفرش طاولة
وفعلا الرجال ساعدني كتير واقترحلي هذا القماش
ومن ثم قالي شو رايك تاخدي من هذه الكلف؟
وفعلا اخذته وروحت وبلشت اشتغل في البيت
بفرد السيلكون قمت بتلزيق الكلفة على القماش بعد ما قست الحجم المطلوب
وبنصف ساعة تقريبا بلشت تتضح الرؤية عندي
في الوسط حطيت صحن قديم بقلبه اوراق مجففة معطرة من محلات الورد
وهاي النتيجة النهائية
ان شاء الله تكون النتيجة مفيدة وعجبتكو
وبعد شوية بورجيكو مفرش طاولة السفرة
تحياتي
الماسة
رد مع الاستدلال
الروابط المفضلة