السلام عليكم ورحمة الله وبركاته
اخواتى الاعزاء واضح من الاسم بتاعى انى بحب الحلويات جدا لكن للاسف مش بعرف اعملها
لكن ممكن اعمل حاجات كده ممكن فى ناس بتسميها لبخ لكن انا ممكن اقول حاجة منطقية ان كله بينزل فى البطن وطالما الانسان مستصيغ الطعم يعنى العملية عادية مقبولة
يبقى كله عادى
شوفوا بقى الصنف ده
المقادير :
احضروا كمية من الموز ولو انا مكانك احضر سباطة موز هههههههه
وكمان احضرى شكولاتة قوالب
ووو امممم هاتوا المكسرات والجوز والذى منه
المهم علشان مطولش عليكوا وكده كده فى الاخر هنكلوا حتى لو باظ هناكل كل حاجة على حدة يعنى كل شئ مستقل بذاته.
حنقشر الموز وندخل فيه استيك او شاليموه ونغمسه فى الشكولاته وبعدين فى المكسرات
ولو مش قادرة تصبرى لحد مايجمد فى الفريزر خلاص ممكن تكليه كده انا ساعات بعمل كده
يعنى بسلى نفسى لحد مااخلص او يخلص الصنف هههههههه
اتفضلو معايا
ممكن بقى تشجعونى وتقولوا ايه رايكم؟
الروابط المفضلة