poppy seeds cakeღ♥ وصفة مبتكرة ღ♥ كيكة بذور الخشاش بسيطه ورائعه
مرحبا..كيفكم ..ان شاء الله تكونو بخير جميعا
بحب اقدملكو من مطبخي كيكه سهله كتير وطيبه كتير كتير
كيكة بذور الخشخاش
بنبلش بالمكونات:
** 200 غرام زبده
** كاس ونص سكر اي ما يعادل 300 غرام وممكن تقلليها حسب انا حطيت 250 غرام وكان حلاها ممتاز وخفيف
**ملعقه صغيره فانيلا
** برش برتقاله كامل ( القشره بدون اللون الابيض)
** 6 بيضات ( مفصولين البياض لوحده والصفار لوحده)
** 250 ملل كريما الخفق
** كوبين من الطحين او ما يعادل 280 غرام
** ملعقه صغيره مليانه باكنج باودر
** نص ملعقة صغيره باكنج صودا
** كوب او 100 غرام من بذور الخشخاش المطحونه
الطريقه:
نحمي الفرن على درجة 180 ( درجه مئويه "سيلزيوس")
بالبدايه نخفق الزبده الذائبه الفاتره مع كوب واحد من السكر وصفار البيض والفانيلا بشر البرتقال والكريما نخفق مع بعض حتى التمازج ونبدأ باضافة الطحين بالتدريج والباكنج باودر والصودا ( ننخل الطحين والباكنج باودر ) ومن ثم نضيف بذور الخشخاش حتى نحصل على خليط واحد متجانس .
في وعاء اخر نخفق بياض البيض لوحده ونضيف له باقي السكر ( انا ضفت له كيس صغير سكر فانيل ) حتى الحصول على مزيج رغوي ناعم بس لازم تنتبهو ما يصير جامد كتير كتير يعني لازم ينتفخ ويصير كثيف بس ما نزيد بالخفق)
بعدها نضيف بالتدريج البياض الى الخليط الاول وننتبه نخلط بخفه يفضل بملعقه كبيره حتى التمازج فقط والخلط من اسفل الى اعلى حتى نفاذ كمية البياض
نضع خليط الكيك بصينية الخبز المبطنه بورقة زبده وتخبز لمدة 45 دقيقه تقريبا في فرن 180 درجه. وبس
ان شاء الله تنال اعجابكم
وبعتذر عن الصور مش واضحه لانو تصوير موبايل
رد مع الاستدلال
كتبت بواسطة الشفاعة
اعذروني لغيابي 
*
*
الروابط المفضلة