حصريا ولاول مرة من مطبخ monaام اياد
كيكة الشهد(الشمام)مشاركتي
لفواكه وعصائر(لام شادي)
السلام عليكم ورحمة الله وبركاته
ازيكم حبيباتي واخواتي العضوات انا بتاخر عليكم بهذا الركن
بس برجع ليكم بوصفاتي الخاصة اللي يارب تنال اعجابكم
انا اليوم حبيت اقدملكم كيكة الشهد او الشمام
طبعا كتير مننا بيحبه
هقولكم الفكرة جاتلي ازاي
انا من فترة نزلت كيكة البرتقال اللذيذة وكانت فعلا لذيذة
وانا كنت اعتمد الطريقة والمكوناات من كتر حلوتها
فقررت اني اعمل بنفس الطريقة كيكات بفواكه مختلفة
واقدمها لاهلي وليكم ياقمرات
فانا كان عندي فاكهة الشهد او الشمام معرفش بقي بتسموه ايه تاني
فتعالو معايا شوفو عملته ازاي
المقادير
حوالي اقل من الكوب دقيق(انا باخد 3\4 كوب وبزود عليه معلقة طعام)
انا قللت الدقيق هنا لان العصير بيبقي تقيل بس لو حسيتي انها محتاجة
ممكن تضيفي معلقة حسب نوع الدقيق طبعا
معلقتين كبار من العصير الشهد الثقيل
(انا بحطه في الهراسة وبيبقي سائل باخد منه معلقتين)
1\4 ملعقة فانيليا (معرفش فيه بشر ليه بالاسواق ولا لا فاستخدمت الفانيليا)
1\4 ملعقة بكينج بودر
كوب سكر بودر
و2 بيضة
1\2 كوب زبدة ومعلقة كمان (ياما زيت او زبدة انا المرة ديه استخدمت معلقة سمن)
الشيرة
نص كوب عصير الشهد (انا بالخلاط العادي حطيتها ومع قليل جدا
ماء سبتهم يضربو كويس وصفتها
واخد العصير منها بدون سكر)
كوب سكر ونص كوب ماء
ومعرفش بالاسواق فيه روح الشهد ده ولا لا فطبعا مااستخدمتهاش ولا استخدمت خاجة
وع النار حطيت االمقادير ودوبت السكر بالماء والعصير كويس وسبتهم يغلو
وبعدها وطيت النار لمدة 10 دقائق ليثقل شوي
وتركته بعد ان ققفلت النار يبرد كويس
الشيرة ممكن تستخدميها او لا براحتك هي للطراوة انا استخدمتها
طريقة الكيكة
اقوم بخفق الزبدة والسكر البودر حتي يصبحو كالكريمة
بعضها اضيف بيضة بيضة ولازم كل بيضة تتجانس كويس \
مع الكريمة كويس وبعدها اضيف الاخري
ثم بعد ان تتجانس البيضة الاخري اضيف العصير (اللي بالهراسة)
اه نسيت انا بضفت الفانيليا مع البيضة التانية وتضربي كويس ربع ساعة كده
(بس لو كان في بشر ليها معرفش موجودة ولا لا ومااعتقدش يعني
المهم يبقي يضاف مع الدقيق)
وبعد ها بتشيلي المضرب بعيد وماتستخدمهوش
وبالمعلقة ضيفي خليط الدقيق المنخول
(انا بكون ناخلة الدقيق والبكينج بودر كويس )
واحطها بصينية مدهونة بالزبدة ومرشوشة دقيق
وبدخلها فرن جاهزة من ربع ساعة وساخنة يعني 180 درجة حوالي 30 ل 40 دقيقة
الصراحة انا عندي بتوجاز بفرن الحرارة بركاوي يعني مش مكتوب فيه درجة الحرارة
فبسخن الفرن كويس علي حرارة متوسطة يعني بخلي المؤشر ع النص
وبعدها ادخل الكيك فيها وبعد 25 دقيقة اشوفها واطمن عليها بعود خشبي
فبتكون استوت والحمدلله اوقات بتاخد خمس دقايق كده تاني
المهم ان انا مش بفتح عليها قبل 25 دقيقة الاولي عشان ماتهبطش ويضيع تعبي ع الفاضي
ارجو عدم الرد
الروابط المفضلة