صديقاتى الحلوات ...بعد غياااب ,,رجعتلكم بطبق عاملاه لروزا ؟؟؟؟؟ايوه علشان ترحمنى و تنسحب من المسابقة ...و حبيت اشارككم بالطريقة....

اه قبل ما اقول الطريقة ....ولادى كانوا على طول بيزفونى و يقولولى شهيرة الخبيرة بعد ما سمعوا المذيعة بتقول عليا كده ....
انهاردة غيروا اللقب رسمى و بقى اسمى ...شهيرة الخميرة!!!
و ابوهم طبعا بيضحك ...فرحان بالزفه
المهم انا ثابرت و كملت التروف اللى طريقتها كالتالى

المقادير:-280 جرام شيكولاته خام
3 ملعقة كبيرة زبدة
نص كوب كريمة لبانى
ملعقة كبيرة كورن سيرب او عسل ابيض سميك او جلوكوز
ربع كوب شراب ثقيل اى نكهة بتحبيها
و للتغطية:
ربع كيلو شيكولاته برضه خام "سوداء او باللبن "حسب الرغبة.

الطريقة :-
نضع مقدار الشيكولاته الاول فى حمام مائى ..مع الزبده حتى تسيح الشيكولاته و تصير سائلة ...نقوم بتقليبها ونتركها ترتاح و نكررالعمليه مرة تانية و العمليه دى كمصطلح طهى تسمى "tempering"..ماشى الحال كده؟؟؟
فى اناء اخر على نار خفيفة نخلط الكريمة مع ملعقة الكورن سيرب..حتى تسيل ثم تضاف على الشيكولاته و نقلب جيدا ...يصب المزيج فى bowl زجاجى و يوضع بعد ما يبرد فى الثلاجة لمده ساعة او اكثر...
نلبس جوانتى و نبدأ فى تشكيل كور بالحجم المرغوب فيه.. و ندخلها التلاجة مرة تانية.
نسيح مقدار الشيكولاته التانى و نبدأ و باستخدام ملعقة الايس كريم بتغطيس حبات التروف و ننزلها على ورق فويل او زبدة او سيلبات .
و بعد كده لو عايزة تزينى بشيكولاته بيضاء لازم برضه يبرد و تتسيح الشيكولاته البيضاء على حمام مائى و بكيس الحلوانى الضيق ترسمى
طيب ممكن نعمل برالين من المكسرات, انا استخدمت ماكاديميا و فسدق و ننزل الكور فيه بعد خروجها مباشرة من حمام الشيكولاته..ممكن نغطى بجوز هند او مكسرات بس او بشيكولاته مبشورة...
انتى و شطارتك...كمان انا ختمت عليها بchocolate transfer sheet
و عملت صنف تانى بدل التروف عجنت جوزالهند بلبن مكثف محلى و عملت منها كور و بعدين زى التروف غطستها فى الشيكولاته السايحة..
طبعا مفيش صور خطوات لأن العمليه كانت غايه فى الفوضى
مريلة المطبخ بتاعتى و بيجامتى و وشى ده طبعا غير صوابعى ...كانوا شيكولاته x شيكولاته
و لحست لحس ...يا الله كان يوم جمييييييييييييل..
يالا على الصور...



و صورة اقرب


و قطمه حلوة من بقى الصغنون..

يالا يا حلوين ادعولى و ورونى التطبيييييق!!!

ازعل ليه من لطشتها خلالالالاص
راحت عليك روزا

دمرتنى

اه يا امى تعاليلى

مش هقول تسلم ايدك

هقول يا بخت اللى هياكل ماشاء الله كان

يسلم بوقه

ماشاء الله يا شوشو بجد تحفه تحفه وحاجه جميله تخلى الواحد يدوووووووخ
تسلم ايدك



انا اخدت دى بس علشان انا مش طماعه ههههههههه

و صورة كمان بمووووووووووووووت انا فى الصور
هاهاهاها

ايه ده ايه ده ..الله أكبرررررررررررررررررررررررررررر......... على الحلاوة ....بسم الله ماشاء الله ربي يحفظك .... مبدعه وخميره فعلا اا.... أقصدي خبيره ... منووووووووووره وهاتي الصحن يالغاليه ان شاء الله بالفوز.

عايزه اسأل سؤال؟
هى الشوكولاته حتكون عباره عن عجينه علشان تتشكل ولا حتكون سايله واحطها فى قوالب مثلا

مش حانسحب برضه يا خميرة
انا عاملة رجيم اليومين دول
بس ده ما يمنعش اني استحسن الوصفة واقول لك تسلم ايدك

ادخلي هنا
http://www.lakii.com/vb/showthread.php?t=516596

روعة تسلم ايديك

ناس شيك
شيك
شيك
شيك
تسلمي يا شهيره