النهارده عملت كب كيك تحفه بصراحه وحبيت اشاركم بالوصفه انا هاكتب مقادير الوصفه كامله بس انا عملت نص المقدار لانها اول تجربه وطلعت 11 كب


مكونات حشوة الكريم تشيز
220 جم جبنه كريمى او 14 قطعة جبنه كيرى (انا استعملت الكيرى
1\3 تلت كوب سكر
بيضه
فانيليا
مكونات الكب كيك
كوب ونص دقيق
كوب سكر
1\3 كوب كاكاو بودره
1 م\ص باكينج صودا --رشة ملح
كوب ماء
1\3 كوب زيت ذره
م\ص خل

الاول نجهز الحشوه
هنضرب الجبنه علشان تلين وبعدين نضيف السكر ,البيض ,الفانيليا ونضرب كويس لغاية اما تدينا خليط متجانس

نيجى للكيك
الاول نخلط الدقيق مع الكاكاو مع الصودا مع الملح ونعمل حفره فى النص

فى حله تانيه نخلط الميه مع الخل مع الزيت
نضيف السوايل فى وسط خليط الدقيق ونقلب كويس

نصب فى قوالب الكب كيك المدهونه زيت وانا استعملت اكواب الكيك الورق جوه الصينيه بعد مادهنتهم زيت

بمعلقه صغيره نضيف حشوة الكريم تشيز ونحاول ندخلها بطرف المعلقه فى وسط خليط الكيك

ندخلها فرن حامى على درجه حراره 180 لمده 25 دقيقه او لغايه اما الحشوه لونها يغمق شويه وممكن نختبرها بعود خشبى
نبرد على الشبكه وتقدم وبالعافيه

انا حاولت اصورها من جوه عشان اوريكم اد ايه هى هشه والحشوه جواها شكلها جميل بس للاسف مالحقتش غير آخر واحده وما كانش فيها حشوه

تسلم الأيادي غالية

أول قطعة لي

سلمت الأيادي عزيزتي على الوصفه الرائعه بأنتظار جديدكِ

تسلموا يا غاليات

تسلم ايدك حبيبتى رووووووووووووووعه صحه و عافيه يا رب

طريقه حلوه
يعطيك العااافيه ياعسل

يسلمو كتير اختي شكلها روعة

تسلم الأيادي غالية

تسلم يدك
بس كم قطعة تعمل الكمية دي ؟