السلام عليكم ورحمه الله وبركاته
ازيكم يا حلوين
انهارده هنعمل بلح الشام والاكلير
تحفه وزى الجاهز بالضبط
ناشف من بره وهش جدااااااااا
من جوه وشكله واوووووووو
وطعمه احلى
هتشوفوه بنفسكم
والمقادير ده مظبوطه جدا
وبتدى كميه حلوة
والف الف شكر لصاحبه الوصفه الاخت asmaabhr
جزاها الله كل الخير يا رب
شروط نجاح عجينه الشو عموما
لازم تسخنى الفرن قبل ما تشتغلى علشان
الاكلير
اضافه البيض للعجينه بعد ما تبرد تماما
والا المقادير مش هتبقى مضبوطه وممكن العجينه متشربسش كل كميه البيض
الزيت الى هنقلى بيه بلح الشام زيت بارد جدا
يعنى تحطى بلح الشام فيه وهو بارد
تحطيه على عين البوتاجاز الصغيره
والزيت بارد وتسيبيه براحته
ممكن الطاسه الواحده تاخد ربع ساعه او
اكتر علشان تتطلع مقرمشه
السيرب او الشربات يكون تقيل جدا
وبارد ونسقى بيه بلح الشام وهو سخن
يصفى بلح الشام من السيرب الزياده
بمصفى سلك
ان شاء الله لو نفذتم الشروط ده هينجح معاكم وهتلاقوه احلى نتيجه
المقادير
1 كوب دقيق
1 كوب ماء
نصف او اقل قليلا زيت او زبده
من 4 الى 5 بيضات
فانيليا
انا هنا استخدمت 5 بيضات
السيرب
2 كوب سكر
1 كوب ماء
نصف ليمونه
الاكلير
الحشو كريم باسترى او ممكن كريم شانتييه
مقادير الكريم باسترى
ربع كيلو لبن
2 بيضه
معلقتين سكر
فانيليا
معلقه نشا
الطريقه
بسخن اللبن
اما يسخن اكون قلبت باقى المقادير على بعض وانزل بيهم على اللبن خيط رفيع جدا
مع التقليب بمضرب سلك
حتى نحصل على كريم باسترى متماسك
ونتركه ليبرد
لتغطيه الاكلير شيكولاته خام سايحه على حمام مائى
الطريقه لبلح الشام
بحط الماء والزيت على النار
واول ما يغلوا اضيف الدقيق واقلب جيدا
هتلاقييه بقى عباره عن كتله واحده متجمعه بالشكل ده
اتركه يبرد تماما وبعدين اضيف البيض بيضه بيضه والفانيليا
واضرب بالمضرب الكهرباء هتبقى شكله كده
احطه فى كيس الحلوانى واختار اكبر فتحه ليه
وابتدى احط الزيت واقطعه علطول وهو بارد
كده
واقطع منه وارصه فى صينيه للكلير
ده شكل الاكلير بعد الخبز
شوفوه اد ايه ارتفع ونفش وهش جدا من جوة يعتبر فاضى وده دليل نجاح الاكلير وبلح الشام
وده شكل بلح الشام بعد ما طلعته وحطيت عليه السيرب التقيل البارد
وده صورة اقرب
وده الاكلير بعد ما حشيته وحطيت عليه الشيكولاته
وده صورة كمان
يا ب يعجبكم يا بنات وتجربوه بجد طعمه خرافه وشكله كانه جاهز
وهش جدا
وكل سنه وانتم طيبين
الروابط المفضلة