ترى طريقتها سهلة بس تاخد وقت بالفرن بس تستاهل التعب لانها من جد رووووووووعة
بس انا اكتشفت لكم شي خطير مايخليها طول بالفرن وبعد عند التقديم بيكون شكلها ررررروعة
المطلوب منكم ياحلوين الحين تنتبهون على الدرس وتفهمونة زييييييييين وتروحون طبقونة وتردون لي النتيجة فاهمين تنسون
بسم الله وعلى بركة الله نبدا
1علبة كنافة شعر " انا استخدم السنبلة"
3اصابع زبدة "اللي حجمها 113.5"
للقشطة المطلوب
1كاس حليب بودرة
2كاس ماء
3فناجين قهوة سكر
10قطع توست "خبز البريد"
قليل من ماءالزهر
1علبة قشطة
والحين ياحبايبي الحلوين على الطريقة
نجيب الكنافة ونفككها عن بعض حتى تنفش ونجيب الزبدة وتكون سايلة وباردة "موحارة"ونحطها على الكنافة ونفركها حتى تتشرب الكنافة بكل الزبدة
ونكون محضرين القشطة قبل علشان تكون باردة وجاهزة حق الاستخدام
ولعمل القشطة نضع قدر على النار ونضع فية الماء والحليب والسكر ونحركه على النارحتى يصير دافي وبعدين نجيب الخبز ونكون قاطعين الاطراف"يعني ناخد الجزء الابيض بس"
ونحط قطعة من الخبز على الحليب ونحركك حتى تختفي ونحط اللي بعدها حتى نكمل القطع كلها ونضل نحرك حتى يجمدالخليط ونضيف ماء الزهر ونحرك قليل على النار ونرفعها عن النار ونضع علبة القشطة ونحرك بسرعة حتى تختفي القشطة ثم نتركها لتبرد ونستخدمها
بس بيني وبينكم هدي الطريقة من جد متعبه وبعد في بعض الاوقات ما تصير القشطة ناعمه يصير فيها نوع من التكتل بس عل مين شوفو ايش سويت يوم جبت الخلاط الكاس وحطيت فية الماء والحليب والسكر وقطع الخبز وخلطتهم حتى صار عندي خليط سايل مثل العصير حطيتة بقدر على النار وحركته حتى جمد وبعدين ضفت له ماء الزهر وحركته ورفعته عن النار وحطيت علبة القشطة وهدي الطريقة اسرع والنتيجة مضمونة بادن الله قشطة اخر حلاوةونعومه
الحين بعد ماجهزنا القشطة وصارت باردة وفركنا الكنافةبالزبدة نجي لتطبيق نجيب الصينية ونفرش فيها نصف كمية الكنافة ونساويها ونضع عليها القشطةوساويها من جميع الجهات بس نترك مسافة بسيطة عن حرف الصينية علشان ماتلصق القشطة بالصينية وتحترق نضع عليه بقية الكنافة ونقطيها عدل حتى ماتبين عندنا القشطة نحطها في فرن متوسط الحرارة نكون مشغلين الفرن قبل يعني لما نحط الكنافة يكون الفرن حار ونتركها من ساعة الى ساعة ونصف حتى تتحمر من تحت وفوق ويكون الفرن يشتغل بس من تحت بعدين نطلعها من الفرن وعلى طول نصب عليها الشيرة ونتركها تقريبا 5دقائق ونقلبها فيى الطبق ونزينها بالفستق المطحون وزهر الليمون
وكلوها بالف عافية
بس تدرون ايش صرت اسوي فيها علشان اختصر الوقت الطووووووييييييييل اللي تاخدة بالفرن وبعد يكون شكلها حلو عند التقديم لما افرك الكنافة بالزبدة اكون مقطعة الكنافه قطع صغيرة وبعدين اجيب اطباق الكيك الصغيرة "كب كيك" واحطها فيها والمقدار الواحد يسوي تقريبا 48حبة من الكنافة الصغيرة وماتاخد وقت في الفرن يدوب 10دقايق لاوشكلها بالمرة كشخة حق التقديم لاتقطيع ولاشي بس لاتنسون تحطونها في الاوراق الصغير بتطلع اخر شياكة

السلام عليكم

الله يعطيك العافية على الكنافة الحلوووة

شكلها حلووووو وانتى زودتيها حلاوة
وشكلج شاطرة بالحلو

كنت استخدم الكنافة الطازجة وما تضبط معاي تصبح قاسية
وكنت بصدق فاشلة فيها

لذلك عجبتني الطريقة
وطبعتها
وادرجتها على جدول الاعمال )))))))))))))))))))))))))))))))))

تسلم اختي ايدك ويعطيك العافية

كنافة تستاهل التجربة الله يعطيك العافية

الاجمل انها بالقشطة تسلم ايدك يا قشطة بس انا كان عندي سؤال ايه هو ال خبز البريد تقصدي التوست العادي ولا هو نوع معين منة انا بعرف التوست الابيض من الدقيق الابيض و التوست الاسمر بالدقيق الكامل والتوست المائل لونة للاصفر وهو المعمول من طحين البطاط اذا ما هو الخبز البريد

اختى ام وليد انا اعمل نفس القشطه بس بدل التويست احط نشاء وتطلع قشطه رهيبه

تسلم يدك والله يعطيك العافية

مشكورة أم الوليد وتسلم إيدك على هالكنافة بس ودي أسألك سؤال شنو قصدج بتوست خبز البريد ما أعرفه ماأدري تقصدين توست أبيض يعني ؟؟؟؟

مرحبا ام الوليد2002 تسلم ايديك وطريقه حلوه ولازم نجربها....
بجربها في رمضان ان شاء الله ....

هلااااااوغلاااااااااااا


فاكرتني


نجم اليالي سااااابقا



يسلمووووووو ام الوليد على الرائع