أسرع apple pie تجهزيها وتاكليها فى اقل من 5 دقايق !!!
السلام عليكم ورحمه الله وبركاته
حبوباتى اقولكم على طريقتى فى عمل الأبل باى لما بكون مستعجله وعايزه ناكل حاجه حلوه وسريعه
بجيب توست ابيض بالحليب مقطع سليسات ( جاهز طبعا"- مش انا اللى عاملاه واللهههههههه)
ويكون مجمد
واجيب قطعه زبده صغيره لسه مخرجاها من التلاجه امسكها بايدى
وادهن سليس التوست بيها
( طريقه الدهن دى وهو مجمد والزبده جامده مش بتخلى التوست يتشرب زبده كتير يادوب الطعم بس)
اقطع تفاح ارباع واقشره واقطعه سليسات رفييييييييييعه جدا"
ارص التفاح فوق التوست المدهون زبده
وارص عليه شويه زبيب
ارش شويه سكر ابيض او بنى ( الموجود )
ارش شويه قرفه على الوش
ادخله الفرن وفى نفس الوقت تحت الشوايه دقيقتين
بسسسسسسسسسسسسسسسسس
وبالهنا والشفا
ادعولى بقى لو عجبكم
ملحوظه صغننه :
( اوقات بدل التفاح بعمله بالموز او الموز مع التفاح )
ومقولكوش ولادى بينهبلوا عليه وكل شويه يقولوا اعملى تانى
دمتم مع محبـــــــــــــــــــــــتى
رد مع الاستدلال
كتبت بواسطة ام سوسو 2005
]
الروابط المفضلة