**مقادير الكيك لجاتوه سواريه الشيكولاته
2 كوب دقيق و هنشيل منهم معلقتين كبار دقيق و نستبدلهم بمعلقتين كبار من الكاكاو الخام
كوب و ربع سكر
نص كوب زيت او سمن
4 بيض
نص كوب ماء
فانيليا
معلقة كبيرة بكينج بودر
للزينة
**تمن كريم شانتيه (حوالى كوب) + كوب و نص لبن حليب او ماء مثلج + 3 معالق سكر (بنضربو المكونات السابقة كويس بمضرب البيض لمدة خمس دقايق لغاية ما تتكون عندنا الكريمة و نشيلها فى التلاجة لوقت الاستعمال )
**كاكاو محلى
**قليل من الشيكولاته السايحة
**كريز
الطريقة
*هنضرب فى الخلاط البيض مع الفانيليا ضربتين و بعدين هنضيف السكر و الماء و الزيت نضرب تانى لحد ما الخليط يتجانس جيدا
*هنضيف الخليط السائل على خليط الدقيق و الكاكاو و البودر فى طيق غويط و نقلب من فوق لتحت لدخول الهواء فى عجين الكيك
*و عند تمام تجانس الخليط مع الدقيق جيدا يصب فى صنية مستطيلة مقاس 2 و يدخل فرن اقل من متوسط الحرارة بقليل و نكون طبعا مشغلين الفرن من بداية شغلنا فى عمل الكيك
تقريبا هياخد من نص ساعة الى 35 دقيقة و نقفل النار و نسيب الكيك خمس دقايق فى الفرن مش اكتر من كدا
*نسيب الكيك يبرد و الافضل انه يبات لتانى يوم و بعدين نزوقه على حسب الذوق
الجاتوه السواريه البيتى ...مفيش انضف ولا اسهل و لا اوفر و لا اطعم من كدا
رد مع الاستدلال
كتبت بواسطة الشفاعة
الروابط المفضلة