يا هلا بحبيبات قلبى
وحشتونى
وأنا أكيد وحشتكم
النهاردة معايا كيك دسم حبتين
جبته لعيون الغالية أم ماهر بمناسبة شفاها الله يعافيها ويجعلها دايما بصحة وعافية يارب
ان شاء الله يعجيها ويعجبكم
كوب لبن
كوب لبن بودر
كوب زيت
كوب سكر
كوب دقيق
3 بيضات
فانيليا - بيكنج بودر
حطى السكر والزيت فى الخلاط .. واخلطى
وبعدين البيض والفانيليا .. واخلطى
بعدين اللبن .. واخلطى
بعدين اللبن البودر .. واخلطى
بعدين صبى الخليط على الدقيق والبيكنج بودر
اخلطى بالاسباتيولا
صبى الخليط فى قالب مدهون
دخلى الكيك فرن ساخن على درجة حرارة 180 لمدة ربع ساعة
وبعدها درجة حرارة 160 لتمام السوا
وهنا بعد السوا
الكيك لين وطرى جدا
للزينة
نخلط 6 حبات جبن كيرى مع نصف علبة حليب مكثف محلى
ونضعها على وجه الكيك
وبعدين نقطع ورق أو بلاستيك بشكل طولى
ونضعه على الكيك كدة
ونرش كاكاو بودر على الوجه
وبعدها نشيل الورق
ونقدمها بألف هنا
الروابط المفضلة