بسم الله الرحمن الرحيم
والحمد لله رب العالمين
والصـلاة والسـلام على سيدنا محمد ..
**......**.....**
ندخل في الموضوع : )
كنت قاعدة وزوجي وحماتي وأخته والأطفال يوماً فإذا زوجي يسأل :
تعرفوا القرع!!
أنا انتظرت أرى رد فعل أهله من حولي ، فوجدت أمه تقول: فلانة على طول تعمله ، وأخته : أعرفه بس عمري ما أكلته
لأجد نفسي أقول وبمنتهى الحماس :
القرع !! ده أنا بحبه جداً أد حبي للمكرونة بالبشاميل بالظبط
فوجدت زوجي ينظر لي باستغراب : طالما بتحبيه ما قلتِ ليه أجيبه ؟!
لأرد في كسوف : ما أنا لا أعرف هل تحبه أم لا !!
فحكى إن أصحابه بيقولوا له على القرع ده إن له فوائد كثيرة جداً ، وطقت في دماغه ووصى عليه وجت لنا الست قرعة : )
طبعاً أنا قبل الزواج كنت متعودة أكله بس عمري ما عملته
: )
طبعاً اتصلت بست الحبايب وقلت لها : انجديني وقوليلي القرع ده بيتعمل إزاي !!
فقالت لي نظفيه وقطعيه شرائح الأول
وبعد كده قطعيه مكعبات صغيرة بس مش أوي
فطلع معايا كل الأشكال الهندسية مكعبات ومستطيلات ومثلثات
وبعد كده اغسليه وصفيه كويس من مياه الغسل
لحد كده وكويس أوي بس أنا كنت ناصحة القرعة قبل ما تتقشر كانت 8.5 كيلو وبعد التقشير بقيت 6 كيلو
وطبعاً له فائدة أثناء الطهي
وبعد كده في حلة كبيرة واسلقيه مع سكر
يعني حطي أشكال فن إل طلعت معاكِ دي في حلة فاضية وحطي عليها سكر بمعدل ربع كيلو سكر لكل كيلو قرع
يعني القرعة دي أخدت 1.5 كيلو سكر
وبعد ما تتسلق نصفي القرع والسائل إل نزل منه ده ما نرميه نخليه علشان هنستفيد منه بعد كده
- يتبع -
الروابط المفضلة