والله احترت وانا باختار حلو بلادى .. واكتشفت اكتشافات مذهلة .... ال ايه الكنافة والمشبك والبقلاوة ولقمة القاضى وبلح الشام مش مصريين .. دول طلعو ملكية عامة لجامعة الدول العربية ههههههههههههههه
المهم انا عملت حلو لا يخلو منه بيت فى مصر فعلالالالالالالالالالالالالا
الارز باللبن
المقادير :
كوب ارز مصرى مغسول جيدا
كوب لبن
كوب قشطة سايلة او علبة قشطة عادية
نصف كوب سكر بنى او حسب الرغبة
ذرة فانيللا
ملعقتين كبار نشا
نضع الارز فى ماء كافى ونتركه يستوى على النار .. بعد نصف السوا نضع السكر والفانيللا ونهدى النار حتى يكمل سواه
الارز استوى نضع اللبن والقشدة ونقلب جيدا حتى يبدا فى الغليان
نقلب ملعقتين النشا فى ربع كوب ماء ( ممكن نشا اكتر لانه بيختلف) ونهدى النار .. نصب النشا واحدة واحدة مع التقليب المستمر عشان ما يكلكعش حتى الحصول على قوام مناسب ويصب فى الاطباق فورا ويترك ليبرد
ماقدرتش اصورهالكو خوفت يبوظ منى
بعد ما تبرد الاطباق هتتكون اتماسكت تمام نبتدى التزيين
طبعا الشعبى بتاع مصر كلها : رشة قرفة - رشة جوز هند - شوية زبيب ( معلش الزبيب هنا اسود لكن زبيب مصر فاتح طبعا)
او ممكن بالمكسرات وانا استخدمت : لوز - عين جمل - بندق - فستق
او ممكن بالفروت سالاد والايس كريم ,, استخدمت : كومبوت خوخ - كيوى - موز - تفاح - فراولة وايس كريم له نكهة خفيفة (توفى او ممكن فانيللا)
الروابط المفضلة