يعطيكم الف عافية صبايا
معلش عالتأخير
اليوم جايبة معي كريم كراميل تحفة
المقادير
٥ كاسات حليب سائل
انا حطيت كاستين حليب سائل
٣ كاسات مي
نص كاسة حليب بودرة
نص كاسة سكر او حسب الرغبة
علبة قشطة
بيضتين وفانيلا
بكيتين كريم كراميل البودرة
تلتين كاسة سكر بنحرقو عالنار وبنحطو بالقالب
انا حطيت الكراميل الجاهز فوق السكر المحروق منشان اللون
بنحط كل المواد بالخلاط بس انتبهو الكمية كبيرة وممكن الخليط يطلع من الخلاط فبتقدرو تحطو نص الكمية بالخلاط وتصبوه عباقي الحليب
او فيكم تستخدمو خلاط البراون الطويل
بنحط الخليط عالنار وبنضل نحرك لحتى يغلي ويجمد وبنصبو فوق السكر المحروق
وبنخليه بالتلاجة اقل اشي ٤ ساعات
لما بدك تقلبيه حاولي بالسكين تشيليه من اطراف القالب منشان يطلع معك قالب واحد
يارب يعجبكم وتجربوه كتير روعة ومتماسك وبنفس الوقت بدوب بالتم
Sent from my iPhone using منتديات لكي app.
الحمد لله الذي سخر لنا هذا وما كنا له مقرنين
🚶
الروابط المفضلة