سلام خواتي العزيزات ...............
الله يسلمكم في هالشتاء ولا احلى من الحنيني والمحلى والحلويات هذي وانا مع الاسف ما اعرف والوالد الله يخليه يحب الحنيني فا الله يسلمكم الي والدتها الله يخليها تعرف تتبرع وتحطه عشان يستفيد الجميع وكثر الله خير الجميع ...........

وجزاكم اله خير

بسم الله الرحمن ارحيم

طريقت الحنيني هي تمر مطحون اي نوع ويفضل سكري
قرصان ينقع مع حليب وهيل وثم يفرم بفرامت اللحم ثم يفرم هو والتمر
ثم يحمى بشوي زبدة

سبحان الله

اهلين اخت amrinad

ما قصرتي بس يا اختي ابي بالضبط يعني كم قرص لكم تمر وشكثر الزبده يعني عارفه بغلبك بس ما ودي احوس ولا تضبط ويعطيك الف عافيه

بسم الله الرحمن الرحيم

الىام رند بصراحه اناالكميه الى اسويها كبيرةمثلا
اجيب تمر من سوق الربوه الى في الرياض وطلب من بائع التمر كيس مطحون تمر
ثم اذهب الى القرصان واشتري ب15 ريال ثم
احضرقدر فيه حليب والزنجبيل والهيل ثم اقطع القرصان وبلله بلحليب وافرمه بفرا مت اللحم
الىطلعه على شكل خيوطثم اقسم التمر على شكل كور حتى يسهل خلطه مع القرصان ثم افرمهم مره اخرا ثم اقسمه فى اكياس على حسب احتياجي وقبل الاكل اسخنة بشو ي زبدة اى ملعقة صغيرة
وحتى اوفر عليك وقت وجهد تلقينه جاهزة من الحياله (اسم محل في الرياض) حي الروابي
بجوار ابنا علي

الحمد لله

اهلين
تسلم ايدك اختي والله يقويك بس غير لما تقولين اشتريته غير لما تقولين سويت حنيني بلكي يكون فيه عريس يدور وحده سنعه مع اني اشك في هذا لكن انشالله
لا جد اختي والله حلو الوحده تسوي شي في البيت وانا صراحه احب الطبخ لكني مو طباخه مع الاسف بس مو مره سئيه لكني يعني راعيه مزاج في الطبخ اذا مسكت معاي اسوي شي لازم اسويه وحابه اسويه للوالد ومشكوره اختي
الله يحرم ايديك عن النار ووالديك والمسلمين ..............

لو سمحتي أختي ماذا تقصدين بالقرصان هل هو الخبز ؟

وشكـــرآ

السلام عليكم ورحمة الله وبركاته 00
وان بعد نفس السؤال000
وهل الجاهز الي في الحياله مثل تمور الصالحيه ولا احلى؟؟؟

اهلين اختي زهور الربيع
بالنسبه للقرصان هذا يبناع عند محلاتهم اذا كنتي بالرياض بتلاقيه عند المحلات الشعبيه او محلات مكتوب عليها قرصان طبعا شي رطب وهذا الي نحتاجه واليابس الي نستخدمه في اكله القرصان الشعبيه المالحه وانشالله اكون افدتك ما قلبت راسك على الفاضي


اختي فراوله الحنيني هذا ما جربته جاهز حق الحياله بس الصالحيه ما فيه كلام بس شغل البيت ولا اطعم منه عشان كذا ودي اتعلم عليه
تسلمون خواتي



وين السنعات تراث اهلنا نسيناه الله يهدينا الحنيني القشد الفريك المحلى وينكم؟؟؟؟؟؟؟؟؟؟

هلا عزيزتي......
انا جربت حنيني تمور الصالحية ابدا" ما عجبني؟؟؟؟؟؟؟؟؟
لانه مش زي الحنيني اللي ناكله......صاير فتيت......يمكن في مناطق بنجد يأكلونه بس في القصيم شكل ثاني.........
اما بخصوص القشد انا قد نزلته في المنتدى.......
http://www.lakii.com/vb/showthread.p...threadid=39189

السلام عليكم اختي مشكوره وايد على هالطريقه