كل سنة و كلكم بخير و صحة جيدة و ربنا يحقق كل الاماني.
دي طريقة سهلة و مختلفة لعمل الكعك بنكهة الفانيليا.

المقادير :- 6 اكواب دقيق
2 كوب سمن ( جامد)
نصف كوب لبن فاتر
2 ملعقة كبيرة فانيليا بودرة
2 ملعقة صغيرة باكنج باودر
ذرة ملح
الطريقة :- ضعي ال 2 كوب سمن في الفريزر , يكون جامد شوية اضربيهم شديد حتى يصير مثل القشطة . اضيفي الفانيليا + اللبن و اضربي بالمضرب . اضيفي بعد ذلك المكونات الجافة ( الدقيق + الباكنج باودر + الملح ) و اعجني جيدا .
اقطعيه حسب الذوق و اخبزيه في فرن حار لمده 10 دقائق.
سكريه بعد تمام برودته ب سكر نااااااعم مضاف اليه فانيليا بودرة ناااااااعمة و ملعقة من الحليب الجاف.
انا عملت منه مقدارين و حقيقي رووووووعة و الريحة رهيييييييييبة و شكله كده ح يخلص قبل العيد

كل الزيارات دي و مافي و لا تعليق؟َ!!!!!!!!!!!

تسلم إيدك

هو ده على الطريقة السودانية و إلا إيه

كل سنة و انتي طيبة يا babymother و شكرا على انك الوحيدة اللي طيبتي خاطري!!!!لأ..يا ستي الكعك مش بالطريقة السودانية..دي طريقة حديثة و مبتكرة و جريئة لانك تستغني فيها عن اهم مكونات الكعك التقليدي و اللي هي دواء الكعك او ريحة الكعك و تستبدليها بالفانيليا.
صدقيني رهيييييييييب و ريحته جميلة و اثار اعجاب كل ضيوفي للعيد.
كل سنة و انتي طيبة و ربنا يحقق كل آمالك.

ما تزعلي مني أختي

بصراحة أنا ما أعرف طريقة الكعك الأصلية

و لا مكوناته

سلام

لأ و الله ما زعلت منك يا babymother .ربنا ما يجيب زعل. سعيدة ب مرورك و يللا جربي الطريقة و وريني رايك.

عزيزاتي.....
كل سنة و انتو طيبين......بمناسبة عيد الاضحى المبارك......
امبارح عملت مقدار واحد من كعك الفانيليا ده و طلع رهيييييييييب,,,,,,,,,ريحته بالظبط زي ال danish cookies .......يللا جربوهو و اعطوني رأيكم.

تسلمي يا ام ديمه واوعدك اجربه يعد العيد لأني خلاص سويت كعك العيد وراح اقولك رايي فيه وجوزيت خيرا0000000000000000

نفسي آكل كوكيز بالفانيليا من زمان بدور عالطريقة
يسلموا الايادي

شكرا يا saaafy و يا leen على مروركن......
المقدار الانا سويته على وشك الانقراض!!!!!! ناس البيت ح يجنوا عليه......يللا جربوه و اعطوني رأيكم.