كيكة الشاتوة بصوص الشيكولاتة بزبدة الفول السودانى والنسكافية
السلام عليكم ورحمه الله وبركاته
ما شاء الله عليكوا هنا فنانات بجد
وجربت وصفات كتير من هنا ما شاء الله
واحب اشاركوا بوصفة خاصة بى والصوص فية تكة بسيطة من اختراعى
دى صورة الكيكة
بس دى صورة على قدى كدة
المقادير
كوب سكر
كوب دقيق
كوب لبن
2 فانيليا
بيكنج بودر(1 ملعقة كبيرة)
نص كوب زيت
3 معلق كبيرة كاكاو
4 ملاعق كبيرة زبدة الفول السودانى
1\4 ملعقة صغيرة نسكافية
الطريقة
نضع اللبن والسكر والزيت و فانيليا
والكاكاو
ونضرب فى الخلاط (خلاط الطماطم العادى)
حتى يصبح الخليط تقيل مش تقيل جدا
نشيل
1 كوب من الخليط دة ونحطة على جنب دلوقتى
ونضع على باقى المزيج اللى فى الخلاط 1 كوب دقيق و 1 ملعقة البيكنج بودر و3 بيضات ونضرب ثوانى ليمتزج ويوضع فى صينية اعتقد المقاس الصغير
وتوضع بالفرن حتى تتاكدى من سواء الكيكة اعتقد 1\2 ساعة على النار الهادية مش عالية ومش واطية
المهم بعد ان نطلع الكيكة من الفرن نتركها تبرد تمااااااما
ونجهز الصوص اللى هنحطوا عليها
نجيب كوب الصوص اللى ركناة على جنب ونضع علية زبدة الفول السودانى والنسكافية ويقلب بالشوكة حتى نتاكد انة امتزج ونحشى بية الكيكة وندهن بية وجهها بطريقة عشوائية
اتمنى تجربوها وتقولولى
ملحوظة لما نضرب خليط الكيك بالخلاط منضربش كتير عشان كل اما نضرب بيتقل
عشان كدة بنشيل الكوباية بتاعة الصوص
ولما نيجى نحضرة نحط الصوص فى الخلاط عشان نضربة شوية كمان عشان يوصل للثقل المطلوب بالف هنا يارب
رد مع الاستدلال
مدونتي مطبخ ام مرمر و ليلو
كتبت بواسطة ام مرمر و ليلو
الروابط المفضلة