كعكاتي وصلو :) .... تفضلو شوفو كعك العيد الي عملته
السلام عليكم ورحمة الله و بركاته
واخيرا عملت كعك العيد ماعمري عملته في بيت اهلي كنا نساعد مساعدة وبس تجوزت كنت اكسل وادلع حالي زيادة عن اللزوم
وهي السنة قررت اخفف نسبة الدلع شوي ههههههه
المهم الحمدلله ماشاءالله طلع كتير زاكي و زابط تمام التمام رغم اني كنت تعبانة والله رحت اعمله الساعة 11 بالليل عشان الكهربا تكون معاد جيد
ولكن والله كانو حد مخبرهم صارو يقطعوها ويجيبوها على غير العادة وانا انقهرت صراحة بعدين قلت يا بنت لاتزعلي ولا تتعبي حالك خليكي مستنية شو وراكي المهم ولادك يكونو نايمين
وضليت هيك استنا الفرج والاستقرار الكهربائي للساعة 3 بالليل
وبلشت اعملو وخلصت الساعة 7 الصبح وكانت نهاية عصيبة من النعس و التعب واستيقاظ اولادي و ازعاجهم
المهم طلع طييييييييييييييييييب عنجد الحمدلله انا عملت مقدارين من الكمية وبيطلع تقريبا 2 كيلو الا شوي
حسيتهم لو عملت 3 كيلو كان افضل ولكن هيك منيح كاول مرة
الطريقة من ماما الله يخليها ويحفظها ويطول عمرها ويعطيها الصحة ويهدي بالها قولو امين
المقادير :::
6 كوب طحين ... استخدمت المج المتوسط
كوب سمنة مقدوح يعني مسخن وسايح عالنار
كوب زيت
ملعقة كبيرة بيكنج باودر
ملعقة صغيرة محلب مطحون
ملعقة كبيرة كلفة كعك
انا ضفت نص ملعقة كبيرة لكل مقدار لاني بحب تكون طعمته ظاهرة شوي
كوب زبادي
طبعا يوضع الزيت مع السمنة المسخنة في الوعاء الي بتعجني فيه وبتخلطيهم وبعدين بتضيفي الطحين الي مخلوط في المقادير الناشفة الاخرى
وبتبسي او بتفركي بس انا مابعرف ليش ماقدرت افركه لانو كان شوي سائل مابعرف ليه بس المهم مافرقت اضفت بعدين الزبادي و عجنت وطلع حلو
لكن حسيت شوي الدهن زايد صرت احط شوي شوي طحين بعدين ماحسيت بتغير قلت بلاش يخرب و ينشف
باختصار هية العجينة مدهنة كتير المهم تكون تتشكل معك منيح وماتتشقق
واستخدمت عجوة جاهزة ومااضفت لا سمنة ولا زبدة ولااي حاجة لانو كانت طرية
ومهم المقادير تكون برة التلاجة وفي درجة حرارة الغرفة قصدي عن الزبادي طبعا
وخلص شكلت و خبزت
بس للاسف قلة الصواني عندي خلتني ارص الكعك في صواني ميلامين و صرت انقل بس تفضا صواني الخبز مما ادى الى طعوجة البعض
بس بسيطة
وبعد كل هالقصة تفضلو كعكاتي
واهداء خاص الى وعود الخير
وكل عام وانتم بخير والله يستر ويضلو الكعكات ليجي العيد ويضيفو الناس ههههههههههه
رد مع الاستدلال
الروابط المفضلة