مسا الخير صبايا عساكم جميعا بخير
بشوف مواضيع كتير ليش بفشل معي الكيك ووين الغلط وبما اني كنت اكبر فاشلة بالكيك وبفضل مندى لك وبفضل الصبايا الحمد لله الكيك دائما بزبط معي
اهم اشي لنجاح الكيك تكون المواد بدرجو حرارة الغرفة خاصة البيض والحليب والطحين
نحمي الفرن قبل البدء بعمل الكيك تقريبا ب10 دقائق خصوصا اني خلال 10 دقائق بكون مخلصة
ندهن الصينية بسمنة او زبدة ونرشها بالدقيق
انا بستخدم خلاط العصير بكل كيكاتي وكلها بتنجح معي الحمد لله باستثناء الكيكة الاسفنجية طبعا بستخدم الخفاقة الكهربائية
نيجي لكيكة الشوكولاتة وهاي الكيكة تنفع لعمل الكب كيك كتير روعة

المقادير

3بيضات +فانيلا ونقطتين خل
كاسة وربع سكر
كاستين الا ربع طحين+بكيت بكنج باودر
ربع كاسة كاكاو مر
كاسة لبن زبادي
اصبع زبدة 100 غرام

نضع البيض والفانيلا والخل ونضربهم لمدة 5 دقائق لحد مايفتح لون الخليط



نضع السكر ونضرب جيدا


اللبن حطيت عليه نص ملعقة صغيرة كربونة وبس يفور بحطه على باقي الخليط هو والزبدة



نخلت الطحين مرتين مع البكنج باودر والكاكاو



صبيت الخليط عليه وبالخفاقة اليدوية خلطتهم وماتكترو خلط بس بمجرد يندمجو المواد منيح



وهاد الخليط جاهز



صبيت الخليط بصينية وهون استخدمت ورق زبدة عشان نوع الصينية مو كتير منيح فخفت يلزق الكيك طبعا بنحطه على درجة 160 وهو عندي فرن كهربائي



وهون بعد مرور 40 دقيقة تقريبا عليها وهي بالفرن استوت وهاد طبعا برجع للفرن اللي عندك ممكن ماتاخد وقت كتير



هون زينتها بالدريب ويب طبعا استخدمت بكيتين خفقتهم مع نص كاسة حليب بارد ومعلقتين قيمر بارد وحبة كيري



وهون الكيك من جوه هششششششش وكتير سوفت

هون كيكة شوكولاتة تطبيق لكيكة ام انس وميسو
الكريمة بنحط بكيتين دريم ويب مع كاسة حليب وعلبة قشطة بنقسم الخليط تلات ارباع وربع التلات ارباع بنحط معهم بكيت كريم كراميل والربع حطيت عليه ملعقة كبيرة نسكويك



وهون كيكة الباونتي تطبيق للغالية لبنان وحبايبه
الكيكة كيكة منها وفيها

وهاي تطبيق للغالية هند كيكة الفستق
بتمنى موضوعي يعجبكم وتستفيدو منه وكتير بتأسف انه الموضوع مو كتير مرتب بس الجهاز عندي مو مزبوط والنت بطيء
لاتنسوني من صالح دعائكم

بيسعدني كتير كون أول رد منشان اكل كل الكيكات اللي بيجننو وبيخربو الريجيم
لفت نظري انك قلتي من جوا هش ..
في كيكات بتكون ناشفة !! هي مابحبها منوب والله مهما كان منظرها مغري وبيشهي لكن خلص بتصد نفس الواحد
يسلمو ايديكي وان شاء الله منجربها

ههههههههه الله يسعدك يارب
وكتير مبسوطة انها عجبتك
بتعرفي جوزي متلك مابحب الكيكات الناشفة ابدا لهيك بحاول قدر الامكان تكون طرية من جوه الكيكة هاي على فكرة سقيتها ونسيت اكتب هيك
عملت خلطة متل خلطة كيكة منها وفيها حطيت تلت كاسة زيت وتلت كاسة مي وتلت كاسة سكر مع معلقتين كاكاو ومعلقتين حليب ناشف وبالخلاط حطيتهم وصبيت عالكيكة عشان تكون طرية

يا عيني طلعت الكيكة من نصيبي لالالالا
ممممممممممم تسلم هالايدين مجودة
بدي جرب طريقتك باذن الله اغريتني
الف صحة وهنا عل قلبكم

تسلم ايدك والله بتشهي وانا اخدت قطعتي مممممممممممممممممممممممم شو طيبة

صحة وهنا يارب
ان شاء الله تجربوهم ويعجبوكم

كتبت بواسطة مجد الاقصى

ههههههههه الله يسعدك يارب
وكتير مبسوطة انها عجبتك
بتعرفي جوزي متلك مابحب الكيكات الناشفة ابدا لهيك بحاول قدر الامكان تكون طرية من جوه الكيكة هاي على فكرة سقيتها ونسيت اكتب هيك
عملت خلطة متل خلطة كيكة منها وفيها حطيت تلت كاسة زيت وتلت كاسة مي وتلت كاسة سكر مع معلقتين كاكاو ومعلقتين حليب ناشف وبالخلاط حطيتهم وصبيت عالكيكة عشان تكون طرية

أيواه هلأ عرفت السر ..
يسلم ايديكي حبابة