السلام عليكم ورحمه الله وبركاته

اليوم حابه اقدملكم وصفه ليزي كيك انا اخذت الطريقه من فكره كيكه منها وفيها واستخدمت الصوص تاع الكيكه وعملت فيه ليزي كيك وكرات وكان الطعم روووعه بس انا قللت شوي من مقادير الصوص بالسكر والزيت لانه اول مره عملتها بكاس سكر طلعت فيها شويه حلاه زياده فقللت السكر وهيك طلعت تمام

المقادير :
3 باكيتات بسكويت ساده
4 ملاعق كاكاو بودره
4 ملاعق حليب بودره
كاس ماء
نص كاس سكر
ربع كاس زيت
علبه قشطه قيمر (اختياري)
جوز هند للزينه
الطريقه :
نكسر البسكويت لقطع متوسطه الحجم وبنخلط باقي المكونات في الخلاط حتى تختلط منيح وبعدها بنضيف الخلطه على البسكويت وبنعجن البسكويت شوي وبنضيف علبه قشطه قيمر بتعطي طعم ازكى وبعدها بنجيب قصدير او نايلون التغليف وبنرش شويه جوز هند وبنحط من الخلطه عليه وبنرش كمان جوز هند فوقه ووبنلفه والفريزر لوقت التقديم بنطلعه وبنقطعه بطلع طعمه قريب للبوظه وبنقدر بنفس الخلطه نعمل كرات واذا حسينها انه بتلزق بايدنا واحنا بنعمل كرات بس بندهن شويه ميه على ايدينا

مممممممممممممممممممممم
منظرها كثير زاكي
ولما حكتيلي عنها جربتها كان طعمها بجنن
يسلمو ايديكي

انا مالي دعوة دخلت ولقيت الحلى قدامي وانجل ما لطشت الطبق كله اليييييييي

راحت عليكي انجل ههههههه

تسلم ايدك ام عبودي شكلها مرتب تمام واكيد الطعم من ايديكي روعة

سلمت يداكِ عزيزتي على الوصفه الرائعه

تسلم الايادي يا ام عبود شكلها روعة وان شاء الله اجربها قريبا

يسلمو ايديك غاليتي

روووعه تسلم الايادي أختي ويعطيكي الف عافيه ...

طريقة سهلة وبسيطة
سلمت يداك

تسلم الايادي على عالوصفه الطيبه

ما شاء الله ام عبود

انا بحبها كتير وبعملها للولاد ومرات كتير بحط اضاافات مثل جبن كيري او لافاشكيري

ومرات بحط زبيب ومكسرات

يسلموا الايدي وبالهنا عليكم