السلام عليكم ورحمة الله وبركاته
عزيزاتي الغاليات
طبعا انا اول مرة بكتب في هذا الركن
كنت اتمنى اول موضوع لي يكون طبق اقدمه الكن مع الصور
بس الطبق خرب وتحول الى استفسار

عندي استفسار صغير بس مهم
اذا بتقدروا تساعدوني
انا اليوم طبقت وصفة الاخت هند "جزاها الله خيرا وبارك فيها "
عن كيكة الشكولاته

وهذا الرابط:
http://www.lakii.com/vb/a-74/h-nd-h-nd-165855/


بس المشكلة انها ما نفشت مع اني بعمل كثير كيك
ودايما بينفش معي

رح اكتب الامور اللي بعتفد انها السبب حتى تدلوني وين الخطا اللي وقعت فيه

طبعا انا ما في عندي المكاييل الخاصة بالكيك بستخدم الادوات المتوفرة
اول شي طلعت البيض من الثلاجة قبل ما اعمل ب10دقائق "يعني البيض كان بارد"
ونوع الكاكاو اللي استخدمته "نون" بودرة مو سائل ومكتوب عليه انه بنعمل فيه شراب الكاكاو ما بعرف اذا هذا هو السبب
واستخدمت الخلاط الكهربائي بس مو خلاط العصير لانه خربان
ما بعرف اذا كانت المشكله اني ما خلطته كويس
طبعا انا نخلت الطحين والباكنغ باودر
بس ما نخلت الكاكاو والحليب البودرة
انا حسيت انو الزيت كثير وكان قوام الكيك سائل اكثر من الكيك اللي بعمله عادة
ودخلته الفرن وكان مسخن مسبقا
وخليته على 160لمدة 50دقيقة من غير ما افتح الفرن
ولما فتحته كان الكيك نافش ومنظره حلو
بس بعدين لما رجعت اشوفه لقيته هبط
طبعا اصبت بالاحباط لاني من زمان نفسي اتقن كيكة الشكولاته

طبعا انا ذقتها وكانت بتشهيييييييييييييييييييييييييييييييييييي
واهلي عجبهم طعمها كتير
بس لو نفشت اكيد كانت حتكون اطيب

كنت حابة انزل صورها بس استحييت لانو اعضاء هذا الركن
فنانات وستات بيوت رائعات

بتمنى تساعدوني اذا عندكم فكرة او حل؟؟؟

وجزاكن الله خير الجزاء

السلام عليكم
اختي ممكن السبب يكون انه البيض لازم تطلعيه قبل ساعتين
عالاقل وخصوصا الجو هلا بارد فبحتاج البيض وقت اطول حتى
بدرجه حراره الغرفه
ممكن ما تكبي الكيكه الي هبطت وتعملي
منها كرات كيك بتحطي شويه قشطه وتعجينهم
وتعمليهم كرات بجوز هند
او انك تعملي طبقه من الكيك المفتفت فوقه كاستر
وعلىالوجه كريما دريم ويب بتطلع طيبه وهيك ما بتخسري الكيكه
ان شاء الله الاخوات بفيدوكي اكثر

منورة اختى الكريمة
اظن يللى خلى كيكتك تهبط انك فتحتى عليها الفرن قبل ما يكتمل نضجها من الداخل
ولما فات الهوا على طول بتهفت صارت معى قبل هيك بس متل ما حكت الاخت دمعات فيكى تستغلى الكيك وتعملى منو تيراميسو او كرات بيكون زاكى وفيه شغلة مهمة لما يكون قوام الكيكة سائل اكتر من اللازم بتنفش بسرعة وبتهبط بسرعة ..ان شاء الله اكون افدتك والاخوات يفيدوكى اكثر وخيرها بغيرها
تعيشى وتخربى هههههه

اهلين فيكي اختي معنا
انا طبقتها اكتر من مرة هاي الكيكة وكل مرة بتطلع احسن من اللي قبلها
البيض بهاي الايام ما بحطه اصلا بالتلاجة لانه الدنيا برد ومو بحاجة خصوصا اني بجيب كمية قليلة بيض مو كرتونة كاملة
نخلي الطحين مرتين عالاقله
بصراحة بعملها بخلاط العصير وكل كيكاتي فيه وبطلعو الحمد لله كتير زابطين
كمية الزيت بالعكس مو كبيرة بتهيألك وسبب انك حسيتيها سائلة لانك اضفتي كاسة مي ونص كاسة زبادي يعني كمية السائل كبيرة بس صدقيني بتطلع هشة غير شكل
هلأ بحطلك الرابط تبع وصفتي وشوفي كيف قوام الكيك
حمي الفرن قبل ماتبلشي وبس تحطيها بالفرن وطي الغاز عالحرارة المناسبة
بس تستوي طلعيها من الفرن وصبي عليها الصوص تبعها وخطيها
الكاكاو منيح اللي استعملتيه انا مرات بنخله مع الطحين ومرات بحطه بالخلاط مع البيض وباقي المواد

http://www.lakii.com/vb/a-16/a-729374/
هي رابط كيكتي
كمية الزيت ربع كاسة ونص اصبه زبدة يعني الكمية كاسة الا ربع مو كمية كبيرة

كتبت بواسطة دمعات العيون

السلام عليكم
اختي ممكن السبب يكون انه البيض لازم تطلعيه قبل ساعتين
عالاقل وخصوصا الجو هلا بارد فبحتاج البيض وقت اطول حتى
بدرجه حراره الغرفه
ممكن ما تكبي الكيكه الي هبطت وتعملي
منها كرات كيك بتحطي شويه قشطه وتعجينهم
وتعمليهم كرات بجوز هند
او انك تعملي طبقه من الكيك المفتفت فوقه كاستر
وعلىالوجه كريما دريم ويب بتطلع طيبه وهيك ما بتخسري الكيكه
ان شاء الله الاخوات بفيدوكي اكثر

جزاك الله كل خير اختي العزيزة وشكرا لاهتمامك
ممكن يكون البيض مثل ما حكيتي ان شاء الله بجربها مرة ثانية
والافكار اللي حكيتيها عجبتني كثير ان شاء الله بطبقها بالكيكة الجاية اذا خربت
ما شاء الله عليك
شكرا كثير

كتبت بواسطة غزاوية شاطرة

منورة اختى الكريمة
اظن يللى خلى كيكتك تهبط انك فتحتى عليها الفرن قبل ما يكتمل نضجها من الداخل
ولما فات الهوا على طول بتهفت صارت معى قبل هيك بس متل ما حكت الاخت دمعات فيكى تستغلى الكيك وتعملى منو تيراميسو او كرات بيكون زاكى وفيه شغلة مهمة لما يكون قوام الكيكة سائل اكتر من اللازم بتنفش بسرعة وبتهبط بسرعة ..ان شاء الله اكون افدتك والاخوات يفيدوكى اكثر وخيرها بغيرها
تعيشى وتخربى هههههه

الله يجزيك الخير ومنور فيكي
بس انا ما فتحت الفرن اول 45دقيقة
ان شاء الله بحاول استفيد من الكيك الخربان في المرات الجاية
الله يستر كم كيكة رح تخرب معي ههههههه
شكرا كثير لاهتمامك

كتبت بواسطة مجد الاقصى

اهلين فيكي اختي معنا
انا طبقتها اكتر من مرة هاي الكيكة وكل مرة بتطلع احسن من اللي قبلها
البيض بهاي الايام ما بحطه اصلا بالتلاجة لانه الدنيا برد ومو بحاجة خصوصا اني بجيب كمية قليلة بيض مو كرتونة كاملة
نخلي الطحين مرتين عالاقله
بصراحة بعملها بخلاط العصير وكل كيكاتي فيه وبطلعو الحمد لله كتير زابطين
كمية الزيت بالعكس مو كبيرة بتهيألك وسبب انك حسيتيها سائلة لانك اضفتي كاسة مي ونص كاسة زبادي يعني كمية السائل كبيرة بس صدقيني بتطلع هشة غير شكل
هلأ بحطلك الرابط تبع وصفتي وشوفي كيف قوام الكيك
حمي الفرن قبل ماتبلشي وبس تحطيها بالفرن وطي الغاز عالحرارة المناسبة
بس تستوي طلعيها من الفرن وصبي عليها الصوص تبعها وخطيها
الكاكاو منيح اللي استعملتيه انا مرات بنخله مع الطحين ومرات بحطه بالخلاط مع البيض وباقي المواد

انا بصراحة مو عارفة كيف بدي اشكرك
باذن الله رح اعمل بنصحيتك وشكرا الك كثير
وانا فتحت الرابط وحفظت الصفحة على الحاسوب
ورح اطبقها المرة الجاية وانزلها بالركن
ان شاء الله تعالى شكرا الك كتيييييييييييير
وجزاك الله كل خير ويارب اصير مثلك فنانة حلويات

اختي ممكن يكون السبب بالفرن
يعني درجة 160 تعتبر اقل من الدرجة المطلوبة للكيك
لازم تحطيه على 180
ممكن كان الفرن بارد نوعاً ما ولذلك كانت منتفشة بس اول مافتحتي عليها هبطت والسبب انه وسط الكيكة لسة مانضج ولساته سائل
كان لازم اما تبقيها وقت اطول او ترفعي الحرارة على 180
خصوصاً لو الفرن تبعك من النوع مش ساخن كثير
يعني انا لما اعمل الكيكة اول شي بحطه على 180
وبعدها 10 دقائق بحطها على 150 والسبب انه فرني ساخن لو حطيتها على 180 حتحترق وماتنضج
انتي اعرف بفرنك اذا كان من النوع الساخن او العادي
والبيض ماله ذاك التاثير الكبير
انا مرات بطلعه من الثلاجة ومباشرة اشتغل فيه
او بحطه بماء دافي بسرعه يصل للدرجة المطلوبة
ويارب نشوف احلى الكيك من عندك

مجودة الكيكة اللي حطيتي رابطها بتختلف تماماً عن الوصفة للاخت هند
انتي طبقتي كيكة ثانية لهند
غير اللي طبقتها الاخت