من كم يوم أشتهيت أكل ألبه

وسألت امي عن الطريقة لانها كانت تسويها لنا يوم صغار

عموما بحط لكم المقادير

3 بيضات .. انا استخدمت 4 لانه البيض اللي عندي صغار

3\4 كوب حليب بودره

كوب ماء

السكر حسب الرغبة انا استخدمت فنجان سكر

هيل مطحون وزعفران ... انا كثرت من الهيل لاني وايد احبه

الطريقة

اول شي ذوبي الحليب بالماي

وبعدها ضفت السكر والهيل والزعفران وخليته بصينيه زجاج مع غطاتها

وخفقت البيض بروحه وضفته للحليب

وحطيته بالميكرويف لمدة دقيقتين

شوفوا كيف تنفخ

بس استوت طبقه ومن تحت مب ناضج فقمت وحركته مره ثانيه

ورجعته للداخل لمدة دقيقتين وارجع اطلعه واحركه وادخله دقيقنين

بيكون المجموع 6 دقايق

وهني بعد ما نضجت شوفوا شكلها كيف

وهنا يوم قدمته ورشيت عليه الهيل المطحون

طبعا الطريقه الاصليه ممكن تتسوى على النار بس مع التحريك المستمر علشان ما تحترق

وممكن تنحط بالفرن علشان تستوي وتنضج

وبالهنا والعافيه

ملحوظه : الوصفه غير منقوله لقد شاركت بنفس الوصفه بعدة منتديات بأسماء مختلفه

راااااااااااائع اموت في الالبه
كنت اسويها من زمان
طيقتج سهله وسريعة
شكرا

تسلم ايديك الحلوة

تسلمون لي فديتكم

تسلم ايديك الحلوة

تسلم ايدك على النقل غاليتي

اهاااااا على ايام زمان كانت امى الله يخليها تعمل لنا اذا ولدت الماعز يعني الغنم اوالبقر كنا نستانس عليه ونحبه الحين لو نسويه للعيال بقولون شنهو هذا على العموم هذرت واجد يعطيك العافيه ايام زمان حلوه

اسعدني مروركم

ما شاء الله تسلم ايديك