بسم الله الرحمن الرحيم




السلام عليكم اخواتى
النهردة انا جيبالكم طريقة عمل اصابع الجلاش بالموز و كانت طعمها تحفة
انا اعشق الموز و كمان بحب احشى بيه اغلب حلوياتى باختلافها لكن انا اول مرة اجرب احشيه بالموز و النتيجة كانت رائعة شكلا و مضمونا ههههههههههههه حلوة شكلا
و مضمونا دى
و ادى صورة تشويقية فى الاول




المهم يالا بينا بسم الله نبتدى
المقادير
نصف كيلو جلاش
5 او 6 صوابع موز
م ك قرفة
مكسرات
كمية من السمن السائح او الزيت لدهن الجلاش
سمسم للزينة ( اختيارى )
الشربات

الطريقة ***سهلة جدا
1- تجيب روقة الجلاش و نفردها بالطول ندهن نصها بالزيت و نتنى النص التانى عليها



2- و بعدين ندهن تانى الجزء المتنى و نسيب جزء فى الاخر مش مدهون عشان نحط فيه الحشو




اما بالنسبة للحشو ( اهرسى الموز كويس و بعدين حطى عليه القرفة و المكسرات
و قلبيهم كويس) و بعدين قطعى ورقة الجلاش نصين و لو بتحبيه صغير قوى اقسمى
ورقة الجلاش ل3 بالطول و خدى بالمعلقة الصغيرة من الحشو و حطى الجزء اللى
مش مدهون المخصص للحشو






















3- و بعدين تتنى الحرفين بتوع الجلاش و تلفى لحد يعمل الصوبع او ممكن تلفى الجلاش بالحشو لفة و بعدين تتنى حروفها و بعدين تكملى لف




و الكلام دا عشان مفيش حاجة من الحشو تقع بره الجلاش و فى نفس الوقت بيدى شكل حلو للجلاش من الجنب
و بعد ما تخلصى لف الصوبع هاتى صنية تكون مدهونة زيت و ترصى فيها صوابع الجلاش




4- ادهنى وش الجلاش اللى فى الصنية زيت و زوقيه بالسمسم و حطيه فى فرن يكون ساخن
5- و طبعا تكونى محضرة الشربات من الاول ...و اول ما تحمر صنية الجلاش
طلعيها و اسقيها بالشربات















الصور المرفقة

و استنى عليها شوية لحد ما تشرب الشربات و ترص فى طبق و تقدم و كلى منها
و ادعى لاختك ام يحيى و مازن
و بالف هنا

فى رعاية الله

معلش الصور طلعت كبيرة شوية

شكرا لك اختي علي النقل

اهلا غاليتي لو اعدتي الصور وصغريها وضعيها برد حتي اضيفها مرة اخري حياكي0

ما شاء الله
شكرا على الوصف التفصيلى للوصفة
تسلم الأيادى

روووووووووووعة
تسلم الاياادي يا قمر
بالف هنا وعافية

يعطيكِ العافيه عزيزتي مثل ماذكرت لكِ الأخت رندا صغري الصور وإذا كانت من مجهودكِ الشخصي فياريت تحميل الصور على موقع لكِ وكتابة أسمكِ لحفظ الحقوق

ما شاء الله فكره حلوه نسلم ايديك

تسلم ايدك

كتبت بواسطة amani1

شكرا لك اختي علي النقل

العفو يا اختى ... بس انا على فكرة مشتركة فى منتدى اخر و ده موضوعى
و مش نقلاها من حد

كتبت بواسطة RANDA 1959

اهلا غاليتي لو اعدتي الصور وصغريها وضعيها برد حتي اضيفها مرة اخري حياكي0

حاضر ان شاء الله هصغرها و ابعتهالك

كتبت بواسطة صاحبة الـ@ـسك

ما شاء الله
شكرا على الوصف التفصيلى للوصفة
تسلم الأيادى

تسلمى اختى

كتبت بواسطة أم فئ

روووووووووووعة
تسلم الاياادي يا قمر
بالف هنا وعافية

ربنا يبارك فيكى

كتبت بواسطة حنان(البحرين)

يعطيكِ العافيه عزيزتي مثل ماذكرت لكِ الأخت رندا صغري الصور وإذا كانت من مجهودكِ الشخصي فياريت تحميل الصور على موقع لكِ وكتابة أسمكِ لحفظ الحقوق

الموضوع ده من مجهودى الشخصى اختى و انا هصغرة ان شاء الله و اكتب اسمى عليه

كتبت بواسطة omroro-4

ما شاء الله فكره حلوه نسلم ايديك

مشكورة با قمر

كتبت بواسطة تفاحة2008

تسلم ايدك

تسلمى يا جميل