بسم الله الرحمن الرحيم

والصلاة والسلام على رسول الله محمد وعلى اله وصحبه وسلم

اخواتي الطباخات محبات الحلويات

سلمكن الله وسمنكن<<<اقول ...اسكتي انت وهالدعاوي التعبانه

اليوم دخلت الركن هذا ليس لقافة كالعاده ولكن علشان

انزل لكم هذا الطبق الحلوووو مره مره >>تسوي دعايه

وهذا الطبق دورته هنا عندكم وتعبت وانا ابحث لكن لما مالقيته اضطريت اسفه للبحث الشخصي

عنه >>كسل مع مرتبة الشرف

وهو مجرب من قبلي وكل من ذاقه قال روعه وطعم كثير

عباره عن كيك انجليزي



صحيح انه دسم لكن لذيذ

فاليك مقاديره

المقادير


200 غرام زبده

150 غرام سكر

4 بيضات

رشة ملح

بشر ليمونه حامضه>>اكيد حامضه اجل حاليه

300 غرام دقيق

م.ص BP ( م=ملعقه , ص =صغيره)

100 غرام فاكهه مجففه

100 غرام زبيب مجفف

100 غرام لوز مدقوق

تقدرين تضيفين فواكه حسب رغبتك

وانا ريحت نفسي بدال ماجيب فاكهه مجففه

احضرت علبة كمبوت (علبه فواكهه مقشره ومنقوعه في سائل مركز من السكر والماء)

وتقدرن تختارين نوع الفاكهه المرغوب >>لاني ماحب الزبيب فادور لكم عذر مثلي


الطريقه


سلمكم الله لازم يكون عندكم ( قالب ) صينيه خاصه بالخبز التوست

يعني مستطيله ومقعره ومقاسها 30 سم

(تكفي عمل 12 قطعه)


1- اخلطي في وعاء واحد الزبده + السكر

واخلطي هذا المزيج بواسطة الخلاط الكهربائي بدرجه عاليه ,ثم اضيفي البيض الى المزيج ثم

الملح وبشر الليمون

2- اخلطي الدقيق والبايكنج بودر , وصبي مزيج الفاكهه المجففه والزبيب واللوز مع البيض

وحركي جيدا

3- سخني الفرن مسبقا بدرجة 175 مؤيه وادهني القالب بالزبده او بطنيه بورق الزبده علشان

تقدرين تخرجينه من الصينيه بسهوله بعد مدة الطبخ الطويله

ثم ضعي كتلة المزيج - بيكون ثقيل كانه بلكه ( بلكه = طابوقه ) ودخليه الى فرن ساخن مدة70

الى 80 دقيقه

وراح تعرفين نضوجه من خلال بغرز عود خشبي في القالب او نهاية سكينه فاذا خرجت جافه

فقد نضج

4- اخرجي القالب من الفرن بعد احمرار سطحه ونضوجه تماما واتركيه يبرد قليلا

اقلبيه فوق قاعده حديديه (منخل )

قطعي القالب الى شرائح في(لا بأس في اليوم التالي) ورشي فوق الوجه سكر بودره قبل تقديمها


الصوره ملطوشه كالعاده من نفس كتاب الطبخ والطريقه ملطوشه بتصرف من قبلي

ويالله كل من دخل يجربه ويقول لي النتيجه

على فكره بيت الدوانت يقدم مثله

لكن هذا درجه اولى وممتاز وطبخ بيت مو هين ثانيا مقاطعه لبيت امريكا


وبالنهاء والعافيه

يا سلاااااااااااااااااااااااام يم يم !!

الله يعافيك يا يارا ...والله انا احب ها لكيك مررررره .

بس ما أ سميه كيك انجليزي ...لأني ما احب الأنجليز

بسميه كيك يارا ..بس يا ويلك لو ما ضبط معي ..ترى ارسله لك في اقرب ايميل !

بس على فكره ..تعالي ..الفواكه المحفوظه تنفع بدل الجففه ؟؟ ..ويطلع طعمها حلو ..ما يطلع بايخ بعد الطبخ ؟؟

هلا والله بامينه
اقصد
ايمان
اماني
يمان
امممممممممممممممم <<يارا تبغى تتذكر اسم امينه ايش لانها شافت لها موضوع يوم كانت منقهره من اسمها الي مايعرفون ينطقونه الا بالنسخ واللصق

هلا باختي (أمنيه)<<منسخوص وملصوق علشان ترتاحين

كود بي اتش بي:

بسميه كيك يارا  ..بس يا ويلك لو ما ضبط معي ..ترى ارسله لك في اقرب ايميل ! 


ليته مايضبط علشان ترسلينه وارتاح من تصليحه << يارا زو..... مع مرتبة الشرف

كود بي اتش بي:

تعالي .. 


جيت

كود بي اتش بي:

الفواكه المحفوظه تنفع بدل الجففه ؟؟ ..ويطلع طعمها حلو ..ما يطلع بايخ بعد الطبخ ؟؟ 


نعم انا مثلك ماحب استخدم فواكه مجففه لانها مو طِعمه
لذلك استخدم فواكه محفوظه
وهي التي ذكرت اسمها
كمبوت
يعني فواكه محفوظه في علب بها سائل سُكري حلو مره ومرتين
واستخدم بعضها مو كلها وقطع صغيره وماحب العنبببب ابدداا
وهي بتجف بعد الطبخ شويه
لكنها تسبب عفنه لو طول برى بدون ادخاله ثلاجه ماهي مثل الفواكه المجففه
عموما هذا الكيك بالفواكه المجففه يبقى شهر كامل
انما بالمحفوظه يمكن كم يوم <<انا مايمديه اصلحه الا ويختفي هممم همممم علشان كذا ماعرف كم يوم تقريبا


بانتظار الايميل

حركات يارا وطباخة كمان

انا اعرف انك طباخة بس على الكمبيوتر اتاريك كمان تشتغلي على البوتجاز

نا كمان احبها تعرفي لما كان الوالد الله يرحمه في المستشفى كنت انزل خصيصا البوفيه حتى اشتري الكيكة هذي واطلع \\ عالم فجعانة ابوها مريض وهي رايحة تاكل

كيكة يارا





لذيذة خاصة باللوز اما الزبيب






شكررررررررررراً على الطريقة

هلا والله شهوده
اجل ايش على بالك يارا حركات وتدخل افنها بكل شي <<مو هي لصقه جونسون
بس صراحه






حزنت عليك كثير لما عرفت انك
نهي بابا حبيبتي
الله يرحمه ويغفر له
يالله شعور مو طيب لما تعرفين ان اخت لك فاقدة احد والديها
الله يعوضك يارب ويرزقك بزووووووج حنون >>اكيد انت الحين رافعه يدك عن الكي بورد تقولين امييين
اما حركاتك القرعاء ونزولك لشراء الكيك فهذي تذكرني بنفسي اول مره تذوقت الكيك الانجليزي بحق وحقيق
في مكه رايحه عمره وبدال ما نعتمر كل شوي رايحه لمحل الكيك اخذ منه بعد كل فرض تقريبا>>>حشى ماصارت عمره
تلاقينه الان في ابراج مكه عند المدخل المواجه للحرم كوفي معفن كله هنود لكن شغلهم يم يمي

هلا شموسه
اتمنى تجربيها وتدعي لي لانها من جد حلوووه
ومانزلتها وانا اكسل من الكسل نفسه الا علشانها عاجبتني وحبيت نتشارك في تذوقها والاستمتاع بطعمها الرائع

بانتظار تجربتك ورأيك فيها

الف شكر لك اختي الغالية من زمان وانا ادور على هذه الكيكة لان بصراحة احبها جدا جدا
بس ياريت يااختي وبدون ثقل عليكي تعطيني المفادير بالكوب لان صعبة جدا اعرف القياسات بالغرام وجزاك الله خيرا انشاء الله
وساطبقها فور استلام الجواب منك لان بصراحة الصورة والوصف مشهي جدا جدا وشكرا لك مقدما

يارا الله يجزاك خير على شعورك الطيب حبيبتي اسال الله ان يغفر له ولجميع موتانا ومتى المسلمين

لا اطمني ما رفعت يدي انا ثقيييييييييييلة خصوصا في هذي الشغلات

ومشكورة على وصف المكان بس ماقلتي لي اسمه او جنب اي محل \\ ماصدقت

تسسسسسسسسسسسسسسسسسسسسسسسلم الايادي يا قمر .........شكل الصورة يفتح النفس فعلا يمييييي

منتظرين اطباق مميزة تانية