عدنا والعود أحمد
كل عام وانتم بخير وانتم الى الله اقرب
اليوم رح اكلمكم عن الحلا الجديد
اسمو غرانولا بارز او الواح الغرانولا
يمكن بتشوفو متلها كتير بالسوبر ماركت بس انا متأكدة انو لو عملتوها فريش بالبيت رح تلاقوا فرق كبير بالطعم والطراوة والنكهة المميزة
حكينا كتير يالله على الوصفة
المقادير
كوبين ونصف شوفان
كوب ونصف رز منفوش
نصف كوب بزر اليقطين او ممكن استعمال لوز او جوز او بندق مجروش اي مكسرات
نصف كوب سمسم
نصف كوب جوز هند
ثلاث ارباع الكوب زبيب او اي فواكه مجففة
نصف كوب لايت كورن سيرب ( وهو سائل يباع في السوبر ماركت شكلو نفس القطر التقيل
نصف كوب سكر بني فاتح
ربع كوب زيت ذرة
نخلط المكونات الجافة وكمان انا فرمت فراولة مجففة واضفتها مع الزبيب على الخلطة
نذوب السكر البني مع الكورن سيرب والزيت مع بعض على النار
ما بدنا انو يغلي المزيج فقط تسخين وبدنا انو يذوبوا مع بعض منيح
ونخلط السكر الذائب مع الخلطة الجافة ونحركهم بالملعقة جيدا
ورح يكون المزيج متلاصق ولزج
نرص الخلطة في صينية مبطنة بالالمنيوم او بورق الزبدة
نرصها جيدا باليد
ثم نضعها بالتلاجة تقريبا ساعتين وبتصير قاسية شوي
نقطعها بالسكين الى مستطيلات
وممكن نحتفظ فيها بالتلاجة بعلبة حافظة لمدة اسبوع او 10 ايام وتكون شهية ورائعة
في الدوام ومع الزوج وحقيبة المدرسة او مع الفطور السريع
لكم مني كل الاماني الطيبة
ولي منكمالدعاء في ظهر الغيب
شكرا لكم
اختكم نسرين ام اليمان
الروابط المفضلة