مرحبا يا خبيرات
هلا عندي مرطبان العسل يمكن ييجي لتر دوبنا استخدمنا ربعه ويمكن اقل الا لقيته سَكر مش عارفة ليش هل هو نوعه هيك ولا جاي عليه ماء ممكن؟ ولا ليش المهم شو ممكن استخدمه؟ هل ممكن ينعمل منه قطر (شيرة) وإذا ممكن كم اضيفله ماء؟
وشكرا مقدما

اهلا غلاتي العسل الاصلي ما بيصير سكر لكن ممكن انو يجمد اي يبرغل وهلا انا بعمل التالي اغلي ماء في وعاء وضعي مرطبان العسل فيو وضلي حركيه لحتي يستعيد الشكل العادي تحياتي0

من خبرتي ونحنا كنا من اهل النحل والعسل وكنا مربين النحل باب الدار عنا وما كنا نطعم النحل اي شي الا انه يوكل من الاعشاب من البر وكان العسل يصير عنا مثل السكر ويبرغل هذا هو العسل الاصلي ميه بالميه لا تخافي
اعملي منه كوكيز بجنن يطلع وما بخرب لو ضل سنه لا تخافي

تسلمولي رندة وأم أنس على الإفادة
طيب أم أنس كم مقدار العسل اللي أحطه للكوكيز؟ يعني لو كان كوب سكر ضمن مقادير الكوكيز كم مقابله من العسل؟ وإذا عندك وصفة مجربة بأكون شاكرة جدا الله يجزاكم الخير جميعا

صحيح وصفة الهريسة او البسبوسة اللي منزلاها ينفع استخدم فيها العسل بدل السكر او بدل القطر؟ واذا ينفع شو التغييرات اللي ممكن احتاجها على المقادير والطريقة؟ سامحيني غلبتك ام انس

وصفه مضمونه ميه الميه
200 غم مارجرين طري اضيفي عليه ثلثين كاس سكر بني +ثلثين كاس عسل واهرسيهم بالشوكه
ضيفي 2 بيضه +فانيلا وحركي باليد
اضيفي المواد الجافه كاستين ونصف طحين+1 ملعقه صغيره كربونات الصودا+رشة ملح وحركي باليد
اضيفي 3 كاسات شوكلاته الحبوب الصغيره وممكن ضيفي زبيب كمان
اتركي العجينه ترتاح ربع ساعه
بواسطة ملعقه خذي كل قطعه وصفيها على الصينيه واخبزيها
عرضيها للهواء حتى تبرد
الف صحه
ولا تستعجلي على العسل وتخلصي منه خلي للضروره يعني مش ضروري تعملي منه الشيره لانه ما بخرب

تسلميلي يارب خلص سجلت الوصفة عندي وبإذن الله أعملها عن قريب لأني هاليومين ناوية أعمل بسبوستك من أد ما شهيتيني عليها في موضوعك التاني.
الله يبارك فيك يا رب ويجزيك الخير

وكان العسل يصير عنا مثل السكر ويبرغل هذا هو العسل الاصلي ميه بالميه

بالفعل مثل ماذكرت الغاليه أم أنس هذا هو العسل الأصلي

نورتي غاليتي أم أنس

[CENTER]

نورتي غاليتي أم أنس

[/QUOTE

دا نورك حبيبت قلبي تسلمي حنون

أم أنس أنجديني
هلأ أنا عملت البسبوسة ولأنه ما عندي سور كريم استخدمت البديل اللي مكتوب عنه هون في المنتدى اللي هو اضافة ملعقة ليمون لكأس لبن زبادي وتحريكهم سوا.
المهم البسبوسة طلعت من الفرن تمام وسقيتها مباشرة بقطر دافي وتركتها في الفرن علشان تتشربه رجعت لقيتها مش متشرباه كله ولما قطعتها لقيت القطر مش داخل لجوه. هلأ لما غمست قطعة بالقطر ودقتها طلعت طيبة بس بدون هيك مش حلوة بالمرة هل غلطت في شي مثلا القطر كان لازم يكون بارد ولا سخن ولا شو السبب انه ما تشربته مع العلم اني لما اعمل البسبوسة العادية بسميد بس بدون اضافة الطحين برضه باضيف القطر الدافي او شبه البارد للبسبوسة السخنة وبتتشربه بدون مشاكل. عن جد زعلانة كنت متحمسة كتير عليها وهي شكلها كتير حلو زي الكيكة بس مش عارفة ليش صار هيك

كتبت بواسطة SMILE4LIFE

أم أنس أنجديني
هلأ أنا عملت البسبوسة ولأنه ما عندي سور كريم استخدمت البديل اللي مكتوب عنه هون في المنتدى اللي هو اضافة ملعقة ليمون لكأس لبن زبادي وتحريكهم سوا.
المهم البسبوسة طلعت من الفرن تمام وسقيتها مباشرة بقطر دافي وتركتها في الفرن علشان تتشربه رجعت لقيتها مش متشرباه كله ولما قطعتها لقيت القطر مش داخل لجوه. هلأ لما غمست قطعة بالقطر ودقتها طلعت طيبة بس بدون هيك مش حلوة بالمرة هل غلطت في شي مثلا القطر كان لازم يكون بارد ولا سخن ولا شو السبب انه ما تشربته مع العلم اني لما اعمل البسبوسة العادية بسميد بس بدون اضافة الطحين برضه باضيف القطر الدافي او شبه البارد للبسبوسة السخنة وبتتشربه بدون مشاكل. عن جد زعلانة كنت متحمسة كتير عليها وهي شكلها كتير حلو زي الكيكة بس مش عارفة ليش صار هيك

عن جد زعلتيني لانه عمري ما شفت بسبوسه بتشرب قطر مثل هالبسبوسه هي شو ما اصبلها قطر كانت تشفط شفط بس قطر بارد طبعاً وما برجعها على الفرن ليه رجعتيها على الفرن وهو ساخن يمكن يكون الغلط ترجيعها للفرن والله مش عارفه شو بدي احكيلك وطبقوها بنات كتير وشكروني عليها ارجعي للردود عليها وشوفي مين طبقها واسالي كيف شربت القطر ومش مره وثلاث واربع مرات عملتها كتير وكانت تشرب كل القطر
مش عارفه شو احكيلك والله