بسم الله الرحمن الرحيم
وحشتونى جدا جدا جدا جدا جدا
بقالى زمان مانزلتش موضوع فى اقسام المطبخ
كسل على مشغوليات على المدارس بقى وانتو عارفين
والنهاردة ليكم عندى هدية
انا عارفة ناس كتير هاتقول هى الناس ف ايه وانت ف ايه؟
بس انا قولت لازم اشارك باى حاجة خصوصا انى مش هاقدر ارابط فى ميدان التحرير بسبب البيت والاولاد
ودى هديتى لشعب مصر كله ستات ورجالة واطفال وشباب لانى باحب مصر واهل مصر كلهم
الكيكة:
4بيضات-0.5 كوب لبن-0.5 كوب زيت ذرة-1.25 كوب دقيق-2 ملعقة كبيرة بيكنج باودر-ملعقة كبيرة فانيليا- كوب سكر
*تضربيهم بالطريقة العادية وتحطيهم فى صينية مقاس 24سم فى فرن 180م
وعلى فكرة دى طريقة حبيبة قلبى "امولة"
*وبعدين تسيبيها تبرد وتقسميها نصين او تلاتة وتحشى بالكريم شانتيه وتغطيها بالكريم شانتيه
على فكرة الكريم شانتيه انا مش بالتزم بكمية المية المكتوبة على العبوة لانها هاتبقى خفيفة باحط مية او لبن ساقعين قليلين وتزودى حبة حبة مع الضرب بحيث تبقى سميكة وباضيفلها ملعقة نشا وانا باضربها عشان تبقى ماسكة نفسها
*والالوان بودرة باشتريها من محل بيع مستلزمات الحلويات
انا هنا لونت جزء من الكريمة بالاحمر وجزء بالاخضر اللى كتبت بيه والجزء الاسود صوص شوكولاتة عبارة عن:
سكر بودرة-كاكاو خام-زيت-لبن
*قلبتهم ع النار لحد مابقى سميك شوية وسيبته يبرد
الروابط المفضلة