مسا الخير عالجميع

اليوم عملت خدود الست وطلعو بشهو
ما حبيت تخلص المسابقة بدون ما اشارك باسبوع بلاد الشام

نيجي للمقادير
عجينة بقلاوة او جلاش
انا جبت عجينة مقسمة دوائر خصوصي لخدود الست
كل دائرة تقريبا 6 راقات

سمنة
قشطة
وفستق وكرز للتزيين طبعا اختياري

مقادير القشطة

كاستين حليب سائل

معلقتين سكر

3 ملاعق سميد

[CENTER4 ملاعق نشا
3 ملاعق حليب بودرة
حبتين كيري او لافشكري
نص علبة قشطة

[/CENTER]

قطر ومقاديره
3 كاسات سكر
كاستين الا ربع ماء
نقطتين حامض
عود قرفة

اول اشي بنعمل القطر قبل بوقت عشان يبرد منيح
بنعمل القشطة بنحط كل المقادير ما عدا القشطة والكيري عالنار
وبس يقربو يجمدو بنحط الكيري وبنحرك منيح بالخفاقة اليدوية
ويعدين بنطفي النار وبنحط القشطة وبنحرك منيح
طعم هاي القشطة كتير طيب

بنيجي لطريقة خدود الست

بندهن صينية بالسمنة منيح وبنحط اول طبقة من العجينة

بندهنهم منيح بالسمنة وبنحط فوق كل وحدة معلقة قشطة

بعدين بنحط طبقة تانية من العجينة وبندهنها بالسمنة
وبندخلها الفرن على نار هادية لمدة نص ساعة او اقل
المهم نحس انه العجينة استوت منيح
بنحمر الوجه تبعهم

بنطلعهم من الفرن وبنحط القطر عليهم
وانا عملته جامد شوي منشان يضلو يقرشو

بعدين بنزينهم بالقشطة والكرز والفستق الحلبي

وهاي صرتهم بس خلصو معلش الصور مو كتير واضحين لانه من الجوال

يارب تعجبكم مشاركتي
دعواتكم صبايا

ما شاااااء الله
بتجنننن
كثير حلوة
تسلم ايدك يارب

واديكي لا تحزنين
مع انها ما بتيجي اشي جمب اللي عملتيهم هههههههه

ماششششااااااء اللله كتتتتتتتتتتتتير حلوة

ما شااء الله عنك يا مجد شكلهم بيشهي
يعطيك الف الف عافيه

تسلمي مجد مشاركه روعه والله يسلم دياتك 0

ماشاء الله خدود بيشهوا
وحلوين متل خدودك هههههههه
يسلموا ايديكي حبيبتي

تسلم الايادي مجودة
بارك الله فيك

تسلم أيدك شي يميييييييييييييي...

يسلمواا هالايادي مجوود
روععة معدلة ربي يحفظك