أخواتى الغاليات فى ركن الحلويات ماشاء الله على إبداعاتكن و تفنيناتكن الحلوة.
أنا أعترف بأنى من المجربات لمعظم وصفات المنتدى و لكن أواجه مشكلة يا حبيباتى فى طريقة الخبز و خصوصا الكعك و البسكويت يعنى ياريت كل أخت تكتب على أى طبقة توضع الصينية فى الفرن . فأنا أوقان أضع الصحن تحت فى أول طبقة فتحترق من الخارج و داخلها لم يستوى بعد أو بالعكس فياليت تنتبهوا لهالنقطة و تضعوها بالحسبان و شكرا لكن.
هلق راح أجرب البيتى فور لهنلى و هى موضحة طريقة الخبز فى الطبقة الوسطى فى الفرن .
و راح أجرب بسكويت الشوفان للأخت سينو و راح أجتهد و أضع الصينية على الوسط فى الفرن و يارب يوفق. و إن قريتى الموضوع سينو جاوبينى الله يرضى عليكى منشان أكتبها عندى و ما إنسى.
مع أطيب تحياتى.

ملاحظة مهمة جداااااااااااااااااا غاليتي


بالنسبة لي اضع جميييييييييييع الحلويات وجميع الأصناف التي تحتاج للخبز كالفطائر وغيرها في على رف الفرن الوسطي

مع العلم ان فرني كهربائي

الله يبارك فيك يا شمالية على التوضيح. و بالنسبة إلى غاليتى أخبز الفطاير على الطبقة السفلية من الفرن و دائما بتطلع رهيبة .
و على العموم عملت بسكويت الشوفان لسينو و كثير طيب بس طلع قاسى ما بعرف ليش. .

و بالنسبة لبيتى فور هنلى كان تحفة أول مرة قمت خلطت كل المقادير مع بعض و طلع غلط قمت مرة ثانية ووضعت السكر و ذوبت الزبدة و هاتى خلط بالخلاط و كل الحاجات طارت و الطحين اللى بجنب الخلاط طار رذاذه بالهواء و عينكن ما تشوف إلا النور.
و بعدين إكتشفت إن الزبدة لازم ما تكون سايحة و لكن بعد فوات الأوان بالغد إن شاء الله راح أعاود الكرة و يارب يستر. دعواتكن غالياتى.
و الله يخليكن إكتبوا كل شىء بالتفصيل للغشيمات اللى مثلى و دمتن سالمات.

أهلييين والله بأم بدر وشوشو كيف صحتكم ?????
النسبة لحلوياتي إنا بحط الشبكة بالوسط تقريبا يعني على الدرجة الثانية بالفرن

وبالنسبة للكوكيز أكيد تركتيه يبرد من غير تغطاية ،،

إذا كان هيك المرة الجاية شيليه من الصينية وهو سخن وحطيه بعلبة بلاستيك وغطيها لحتى يحتفظ الكوكيز بطراوته وماييبس ،،، وألف صحة وهنا على قلبك وقلب الحلوين

ام بدر يا ام بدر
كيف حالك وشو اخبارك انا الصراحه كنت في زمناتي غشيمه في الحلويات
بس مدام بتزوري المنتدى رح تصيري معلمه
وبالنسبه للبيتي فور حطي الزبده والسكر والدقيق واعجنيه في ايدك وانا حاطه المقادير بالزبط
بس مرات يمكن الدقيق يختلف من منطقه لمنطقه فاذا شفتي العجينه ناشفه شوي اضيفي شويه زبده
وكم نقطه ماء الورد او الزهر او حتى ماء عادي بس كم نقطه
وانا اجمالا كل اشي بعمله من حلويات بحطها في الوسط وخذي هالنصيحه مني
انا زيك اولها ماكنت اعرف وين احط الصينيه وقديش درجه الحراره المطلوبه
فكنت احطها على الرف الوسط وعلى نار وسط او هادئه
وشكرا

أهلين فيك أم سامر ,و الله يسلم هالديات يا حق وكلامك مظبوط خليت الكوكيز من غير تغطاية و ما كيسته غير لبعد كم ساعة من خبيزه. بس هيك و ما بقى شىء ماشاء الله طار مثل الهوا.
أن شاء الله ما ننحرم من هالنصايح الحلوة. و تحياتى لك و للأولاد الحلوين.

يا يحياك البارى هنلى و لك منى أحلى سلام و تحية على الحكيات الحلوين وماشاء الله عليك ملهلبة يا هنلى.
حبيبة قلبى أنا بحب البيتى فور كثير و الله عملته مرتين و خربت عيارين منه ولكن راح أتبع نصايحك الذهبية و راح ظل معاكن بركن الحلويات منشان صير معلمة مثل ما تفضلتى و تقبلى خالص تحياتى غاليتى.

وينك ياهنلى و أخيرا ظبط البيتى فور....... و هى زلغوطة.... ليليليليليليليش شفتى ما أحلانى صرت معلمة و أى سؤال أنا حاضرة.
لك الله يسلم هالديات شو طيبين.