السلام عليكم أخواتي هذه أول مرة بشارك فيها بأكلة وان شاء الله تعجبكن......
البارحة انا وقاعدة المسا رن الهاتف وطلعت المتكلمة أخت زوجي وقالولي رح نجي نزورك بعد ساعة وما كان عندي ضيافة فجهزت أموري وقمت أعمل كاتو وبلشت أخترع حسب الأغراض المتوفرة عندي لأني حضرت الأفندي ما كان بدو ينزل بردان وقاعد حباب
المكونات:
كوبين طحين
كوب ونصف سكر
كوب حليب
ثلاث أرباع الكوب زيت مازولا
أربع بيضات
معلقتين فانيليا
معلقة كبيرة ونصف باكينج باودر
موزة كبيرة
نضع البيض والفانيليا في الخلاط ثم نضيف السكر والمكونات السائلة والموزة
نخلطهم جيدا حتى يدوب السكر ونضع الطحين وباكينج باودر في وعاء كبير وخلطهم ثم نضيف فوقهم الخليط السابق وخفق الكل بخفاقة يدوية حتى يتجانس المزيج نكون قد دهنا القلب زيت مازولا أو سمنة أو زبدة أنا استخدمت
صينية الفرن نضع المزيج في القالب ونضعه بالفرن بعد تحمايته ......
مدة الخبز حسب فرني 25 دقيقة وكان مستوي وفي أثناء خبزه حضرت خلطة ووضعتها في البراد
المكونات:علبة قشطة
أربع ملاعق كبار حليب بودرة وقدهم ماء + 3ملاعق صغار عسل
يمكن اضافة الكريمة ويمكن استبدال القشطة بالقشطة المنكهة مثلا بالموز أوالعسل.....
نخلط الحليب مع الماء ثم نضع القشطة والعسل ونخفقهم جيدا ونضعهم بالبراد
بعد أن يبرد الكاتو (بعد نصف ساعة) نضع الخلطة السابقة فوقه ثم نضع فوقها بسكويت مدقوق ناعم ويمكن استبداله بالشكولا المبشورة
واخيرا نضعه بالبراد لحين التقديم
كان طري ولذيذ وضيفت معه عصير برتقال فريش .....الضيوف حبوه كتير وزوجي ماأكل منه لأني كانت معدته عم توجعه بس اليوم الصبح وقت قمت من النوم ما لاقيت ولا فتفوتة كاتو صحة وهنا على قلبه
ان شاء الله تكون الوصفة عجبتكم واسفة لأني ما في صورة بس ما بعرف أنزلها
عم استنى ردودكم....
الروابط المفضلة