مسا الخير صبايا كيفكم
اليوم عملت حلو كتير طيب وبنفس الوقت دسم ههههه
هاد الحلو بنحكيله تراب الملوك
مو اللي بتعملها ام انس لأ اشي تاني

مقاديره سهله وما باخد وقت

نيجي للمقادير

بكيت بسكوت اولكر مطحون
قالب زيدة 100 غرام
علبة فواكة مشكله فيها منجا اناناس واجاص وكرز
لازم تصفيها منيح منيح من الماء

للزينة
كاسة حليب سائل بارد
بكيت كريمة او بكيتين دريم ويب
نص عليه قشطة
لوز وكرز

الطريقة
اول اشي بنطحن البسكوت

بعد ما نطحنه
بنحط اصبع الزبدة بالطنجرة وبس يسيح بنضيف البسكوت

هلأ بدنا نحمصه انتبهو ما بدنا نحرقه
الغرض نخلي لون البسكوت دهبي ويتشرب نكهة الزبدة
حركيه باستمرار لانه بسرعة بحمر

هون بس خلصنا تحميصه

انا استعملت قالب اله صينية متحركة
فيكي تستعملي بايركس عادي مافي مشكلة
بنحط نص كمية البسكوت بالقالب

حاولي تضغطي عليه منيح بايدك

بعدين بنحط الفواكة المعلبة

بعدين بنضيف باقي كمية البسكوت

بنحطه بالتلاجة عالاقل ساعتين زمان

بعدين بنعمل الكريما
بخلطها مع الحليب والقشطة
ونزينه باللوز المفروم

انا عملت وردات من الكريما وحطيت عليهم كرز

وهي شكل الحلو بعد ما شلته من القالب

بتمنى الحلو يعجبكم
طعم البسكوت المحمص بالزبدة مع الفواكة والكريما كتير زاكي

بتمنى مشاركتي تعجبكم

في امان الله

ما شاء الله
شكله شهي
و سهل كتيير
اهم الشي انو سهل هههههه

يسلمو مجودة
من ايدين ما نعدمن ^^

راااااااااااائع
ماشاءالله عليكي يا فروحة

ما شاء الله مجودة
تسلم الايادي الحلوة سهل ومميز فعلااااااا

ما شاء الله تسلم ايدك وايد بنوتك
معدلة زي امها ما شاء الله

يسلمو ايديكي يا مجودة يعطيك الف عافية عنجد كتير شهي مبين عليه

تسلم ايديكي مجد انتي وبنوتك
ماشاء كل وصفاتك طيبه ومتقنه
الله لا يحرمنا من هالابداعااااااات
صحتيييييييين وعافيه

تسلم ايدك يا مجود فعلا شكلو روعة حلو كتير وسهل
مممممممم واكيد طيب تسلم ايدك

مجودة شو هالحلا هاد

بياخد العئل وبيخرب الدايت

هههه

يسلموا يا عثل

تسلم الايادي ...حلا راااائع
بالهنا يارب