تسلمييييييييييين يالغاليه على جهدك هذا والتعب اللي تعبتكياه.......

بس عندي سؤال ..........ميخالف تحمليني انا وكثر طلباتي......

حبيت اسال في المقادير مكتوب كاكاو بودر داكن انا مااعرفه... اذا تعرفينه قوليلي اسمه ماعليك امر وانا انطر اذا كنتي تعرفينه.


وتسلمين يالغاليه....تحملينا شوي

تحياتي

الله يسلمك أختي .. وما فيها تعب ولا شيء .. وإنت تامرين ..
بالنسبة للكاكاو الداكن موجود في الجمعيات التعاونية وهو عبارة عن كاكاو بودرة مرة بدون سكر .. وراح تلاقين أنواع كثيرة ..

يالغاليه بس لو ماعليك امر تقوليلي شنو اسمه...

واذا ماثقلت عليك بس ابي طريقة البان كيك بالمنجا المجوده في نفس الكتاب لان عيالي ظيعوا الورقه...لاتحسبين اني مره رفله لا والله يخليهم لي لااااااااااااااازم ينبشون بغراضي

وتسلمين وادري اني لوعت كبدك بس من لنا غيركم


تحيااااااتي

يا سمو الأميرة ما تلاحظين إنك مصختيها .. مو علشان إنك أميرة تكثرين طلباتك علي ..
أقول إختي ابشري .. وإنت تامرين أمر ..
بالنسبة للكاكاو البودرة والله حالياً ما يحضرني إسمه .. لكن طالما إنت من الكويت راح تلاقين في الجمعيات التعاونية أتوقع قسم السكر أو الحليب راح تلاقين أشكال وأرناق ..

وبالنسبة لطلبك البان كيك بالمنجا ابشري من عيوني .. بس عندي شغلة أخلصها .. وأحط طلبك ..

بان كيك المانجا





- المقادير :
1 كوب طحين ..
2 كوب حليب سائل ..
1 ملعقة أكل زيت ذرة ..
1 ملعقة أكل سكر ..
1 ملعقة صغيرة فانيليا ..

- صلصلة الكسترد :
2 كوب حليب سائل ..
1 ملعقة أكل كسترد ..
نص كوب حليب مركز ومحلى ( زنة 297 جم ) ..

- الحشوة :
شرائح مانجا طازجة ..

-*- الطريقة :
- تخلط مقادير البان كيك جميعها حتى تتكون عجينة متجانسة .. تغطى وتترك لمدة 10 دقائق ..
- يصب مقدار ملعقة أكل من الخليط حتى يغطي قاعدة مقلاة ويترك على النار حتى يتكون قرص متماسك ثم يقلب على الوجه الآخر .. يترك ليبرد ..
- يخلط الكسترد مع ثلث كوب حليب بارد .. ويضاف له باقي مقدار الحليب ويوضع على النار حتى يثخن قوام الصلصة .. يضاف الحليب المركز ويمزج جيداً .. يترك ليبرد ..
- تحشى أقراص البان كيك بشرائح المانجا وتطوى على شكل اسطوانه ثم تصف في قالب التقديم ثم تغطى بالصلصة وتترك بالثلاجة لحين التقديم ..


وباهنا والعافية ..

ولا تنسيني .. ادعيلي ..

مشكوووووووره يالغاليه وتعبتك معاي


بس الله يهديك دقرتيني هذيك الدقره السنعه

ماعليه وش نسوي الله كريم

وتحياتي لك

أرسلت بداية بواسطة سموالاميره
مشكوووووووره يالغاليه وتعبتك معاي


بس الله يهديك دقرتيني هذيك الدقره السنعه

ماعليه وش نسوي الله كريم

وتحياتي لك

أنا آسفة .. عن جد أنا آسفة ..
والله ما دقرتك يا غالية .. والله كانت غشمرة ..
واعذريني أختي وحقك علي .. وأي شيء تبينه تراني حاضرة .. لو تبين كتب المطاحن كلها أكتبها وأحط صورها كلها ترى أنا حاضرة ومن عيوني .. بس أهم شيء إنك ما تزعلين ..

وبالنسبة للكاكاو .. ترى كاكاو جالاكسي البودرة ترى حيل حلو ..

حنا خوات واساسن انا مصختها شوي بس يغالغاليه لا والله عادي

الخوات مايزعلون من بعض

تحياتي

..
بارك الله فيك ..