السلام عليكم...حبوباتي
التورتة الخطيرة دي الي تحب تعملها لازما ولابد وحتما يكون عندها طولة بال وصبر وحب للجديد في المطبخ ولازما ولابد وحتما تسرح عيالها وجوزها عشان لا عيل يقولها يماما تعالي شليني ولا راجل يصوصو عاوز شاي عاوز قهوة وهكذا
دي صورة للشكل النهائي بقية الصور اخر الموضووووووووووووع وعليكوا خير معايا اكتر من 35 صورة ودي تقريبا 4 مرة اعيد تحميل الصور والشرح كل مرة الجهاز يهنج لدرجة اني يئست وانا وحظي بقي المرة دي
المقادير:
كيك اسفنجي ابيض بالطريقة الي انتي متعودة عليها
2 باكو كريم كرامل
1 علبة حليب مركز محلي
ربع كيلو او اقل بندق
2 ونصف: 3 كوب سكر
300 جرام زبدة صفراء
اول حاجة نعمل الكيك من قبلها بيوم او كذا يوم ونشيلها في الفريزر بعد مانلفها بكلينج فيلم كذا مرة وكمان ورق المونيوم
نجيب علبة الحليب المحلي نحطه في ماية سخنة عالنار ساعة ال ساعة ونصف عشان يعملنا كرامل لذيذ
نجيب ال 2 باكو كريم كرامل نعملهم بمقدار لبن لباكو واحد يعني حطي كمية اللبن لكيس واحد بس هتحطي ال 2باكو كريم كرامل لاننا عاوزينه تخين
هنجيب السكر المحروق الي في الكيس ونحطه في الصينية بالشكل دة نفس مقاس الصينية بتاعة الكيك
ونحط عليه الكريم كرامل الي عملناه عالنار وندخله عاالفريزر ينام هوووووووووو
ناخد البندق نحمصه في الفرن حوالي 10 دقايق
بعد مايطلع نحطه في كيس بلاستيك وتروح يويتجي عليه بايدك عشان يتقشر ولو لسة فيه حاجات شليها بايدك
ناخده نحطه في كيس برضو وندقه بالهون وعاوزينه قطع خشنة كبيرة مش فتافيييييييييت
الخطوة التانية نجيب ورق المونيوم تفرديه عل يترابيزة كبيرة وتدهنيه زيت كويس اوي
وتجيبي السكر تحطيه عالنار لحد مالونه يتغير ويعمل كراميل مع نصف لمونة وبعد مايبقي كرامل نضيف عليه البندق
هتلاحظي ان الخليط بقي تقيل تقلبيه كويس اوي وبعدين تروحي تفرديه علي ورق الامونيوم مع الحرص الشديد والاطفال بعييييييييييييييد ونسيبه يبرد تمامااااااااااااااااا طعمه بيبقي فظيع زي السنيكرز بالظبط
نحاول نقطعه بالسكينة قطع صغيرة او متوسطة
ناخد شوية نحطنه في الكبة ناااااااااعم للحشو
والباقي نحطه في كيس وندقه بالهون خشن الخطوة دي تعبتني
بعد مالحليب يكون خلص الفترة بتاعته عالنار نشيله ونسيبه لحد مايبرد خالص وخطر نفتحه وهو سخن لازم نسيبه يدفي تماما ناخد الزبدة نضربها كويس اوي ونضيف عليها الحليب الدافي (مش عاوزينه بارد) وبيبقي لونه بني غامق
ناخد الخليط نحطه في التلاجة او الفريزر شوية يمسك نفسه(مصورتش الخطوة دي اسفة)
نجيب الكيك نقطعه الي 3 شرايح
نطلع صينية الكريم كرامل من الفريزر
نجيب اول شريحة كيك ندهنها كويس بخليط الزبدة والحليب المكرمل ونحط الوجه المدهون علي الكريم كرامل وعاوزين خطواتنا سريعة شوية في المرحلة دي بس لو حسينا ان الكريم كرامل هيسيح ندخل الصينية الفريزر يجمد وبعدين نطلعها نكمل شغل يعني لو طنط وخالتو اتصلوا وانتي شغالة اوعي تردي هههههههههههههه(بوقعكوا في بعض)
نيجي ندهن الكيك الي حطناه بشوية زبدة ونرشه بخليط البندق المكرمل الناااااااااااااعم ونجيب الشريحة التانية من الكيك ندهنها بخليط الزبدة ونحط الوجه المدهون علي بقية الكيك والحشو وهكذا
لحد اخر طبقة من الكيك معلشي بنتي كانت بتمم علي العملية ههههههههههه
يتبع............
الروابط المفضلة