السلام عليكم
بالله الي تعرف منكم مكان بيع الجلسرين والجلكوز والجلاتين
لان بندير تورته بعجينة الفوندانت وناقصيني مقاديرها
فقلت خلي نسال اهل الخبره أكيد عندهم علم
وبصراحه أني اول مره انجربها
ونتقبل اي نصيحه من الأخوات الي فيما سبق جربوها
ومشكورين ما قصرتو

ان شاء الله بيشفوا ندائك ويدخلوا يفيدوك
حبيت ارفع الموضوع

كتبت بواسطة ام مريم العراق

ان شاء الله بيشفوا ندائك ويدخلوا يفيدوك
حبيت ارفع الموضوع

مشكوره علي مرورك ام مريم - وانشاالله نلقي الرد علي سؤالي

اني حبيت نرفع الموضوع وماعندي فكرة بس الاخوات فى ملف السفرة الرمضانية الصراحة ابدعو
فى بعض الوصفات اللي تدخل فيها الجيلاتين
ان شاء الله يردو عليك وتلقي مرادك

حتى لا يضيع الموضوع في زحمة المواضيعحبيت نرفعة لك
انا حالياً بالغربة مش ح نقدر نفيدك
لكن ح يردو عليك باذن الله
ويفيدوك

والله بنقللكم حاجه تضحكو عليا:
بصراحه مفهمتش شن معناها( نرفع الموضوع)
بصراحه أختكم جديده ف النتدي تقاعده نتعلم كل مره حاجه
ومع دالك بارك الله ف كل من ساهم ف رفع الموضوع لان شكله حاجه مليحا
وهل من مجيب علي سؤالي
بوركتم ومشكورين

رفع الموضوع
معناها نردو عالموضوع حتى نرفعوة وما ينزل للصفحة التانية وما يشوفة حد
وكلنا مزال نتعلمو يا سموحة
ولا يهمك
على فكرة حطيت رابط موضوعك في لمة الهدرزة الليبية
وان شاء الله يردو عليك

شكراً وياريت نلقي الرد
ويعطيك العافيه علي اهتمامك
وربي اعينك علي غربتك

اهلا بيك اختي قمر و منور معانا في المنتدى..
وسامحيني والله ماعندي فكره بس تقريبا سكر الجلكوز ينباع في العطار تقريبا والبنات حايفيدوك اكتر..
ياريت انكون ساعدتك.

حبيبتي والله حتى اني اندور فيهم
بس ماما الاء الايام اللي فاتت
قالت ان الجيلاتين موجود في سوق زاد الاسره شارع 15 الطير
في سوق الجمعه
بس اني مزال ما مشيتلاش