السلام عليكم ورحمه الله وبركاته
كل سنه وانتم طيببيين
عيد سعيد عليكم يا رب
انهارده عملت بسكويت النشادر
وخلوا بالكم المقادير ده لتشكيله
بالماكينه مش بالقمع
المقادير
2 كيلو دقيق
نصف كيلو سكر بودره
نصف كيلو سمن بدرجه حراره الغرفه
10 بيضات
باكو فانيليا
معلقه بيكنج بودر
2 معلقه نشادر مدوبين مع
كوب ونصف لبن دافىء
الطريقه
الاول نضرب السمن مع السكر
بالمضرب كويس اووى لغايه ما يبقوا شكلهم زى الكريمه
وبعدين نضيف البيض مع الفانيليا بيضه بيضه ونضرب كويس
وبعدين نضيف الدقيق مع البيكنج بودر ونقلب جيدا
ثم نضيف اللبن مع النشادر ونعجن كويس حتى تتكون عجينه غير لاصقه
بلاناء ولا باليد
نشكلها كويس بالماكينه بالشكل الى بتحبييه
ونرصها فى صاج مدهون زيت خفيف
ندخلها الفرن وده شكلها بعد الخبز
وده فى طبق التقديم
وده صورة كمان
اتمنى تعجبكم وتجربوها وكل سنه وانتم طيبيين
الروابط المفضلة