تورتة الشيكولاتة والفاكهة

النهارده عملت تورتة لعيد بنتي حنين
وصورتها
انا عملت تورتتين
بس انا عملتها في صاج ونصف
هشرحلكوا مع الطريقة
نجهز كل المقادير
ونولع الفرن
وننخل الدقيق ونجهزه

[/CENTER]

لو السكر خشن نطحنه

وندهن الصينية بالسمن

ونضع الدقيق نبطن بيه الصواني

ونتخلص من الدقيق الزايد

نخرج البيض من التلاجة

مقادير تورتة الفواكة

5بيضات
1كوب دقيق
1\4 كوب نشا
كوب سكر
ملعقة كبيرة محسن كيك
فانليا
ملعقة كبيرة بكنج بودر
هنحط البيض والفانيليا

ونبتدي نضرب علي السرعة الاولي

ونتأكد ان الطبق اللي هنضرب فيه يكون نضيف ومفيهوش ولانقطة ميه
ونفس الشئ بالنسبة للمضرب
نضرب البيض ونضيف عليه السكر ومحسن الكيك

ونضرب شوية علشان السكر يدوب علشان التورتة متهبطشي

وبعدين نعلي السرعة ونضرب لحد لما البيض لونه يفتح

ويتضاعف حجمه وتظهر علامة الشريط

ننخل الدقيق والنشا ونضيف لها البكنج بودر

ونضيفه علي 3مراحل ونقلب بالمضرب اليدوي او بالملعقة الخشب

من تحت لفوق لحد لما يتجانس الخليط

ونصب الخليط في الصاج كبير ونصف صاج نحدده بشريط من ورق الفويل
زي الصورة

انا عملت كده للخليط علشان اعمل من ده طبقات للتورتة
بدل معملها في صينية وقطعها طبقات كده اسهل من التقطيع

ندخل الصواني الفرن متخدشي وقي
حوالي 12 دقيقة

لسه فيه بقيه

مقادير تورتة الشيكولاتة

نفس المقادير
بس نشيل 1\4 كوب دقيق
ونستبدله ب
1\4 كوب كاكاو خام
يعني هتكون
3\4 كوب دقيق
1\4 كوب نشا
1\4 كوب كاكاو خام
ونكمل نفس الخطوات بنفس الطريقة
وهنضيف الكاكاو مع الدقيق والنشا والبكنج بودر






ونفس الحكاية بصبه في صاج ونصف الصاج


وهنا الصاج لما يخرج من الفرن

التزيين

انا استخدمت
خوخ كمبوت
وكيوي
كريز
تفاح
شيكولاتة فورماسيل
شيكولاتة خام
1\4 كيلو كريمة بودر بدون سكر


الكريمة
انا استخدمت للتورتتين
1\4 كيلو كريمة بودر بدون سكر
وزوت لها سكر بودة للتحلية



3\4 لتر ميه مثلجة لازم تكون مثلجة
ونضرب لحد لما تتقل





واخدت جزء من الكريمة
وحطيت عليه كاكاو خام



علشان ازين بيه تورتة الشيكولاتة

الشيكولاتة الخام
سيحتها علي حمام مائي



جبت ورق شجر
غسلته
وغطيته بالشيكولاتة السايحة
ودخلته التلاجة شوية يجمد
وبعدها شلت عنه ورق الشجر بشويش علشان ميتكسرشي



وهنا قطعت الكيك اللي في الصاج الكامل لجزئين



ويبقي كده عندي طبقتين كيك والتالتة
تكون نصف الصاج اللي عملته
ونفس الحكاية للتورتة التانية


لسه فيه تكمله

ندهن بالفرشة ونسقي الطبقات كويس




ونحط جزء من الكريمة



ونغطي بيها الطبقة
ممكن نقطع فاكهة ونحطها عليها



ونحط الطبقة التانية ونسقيها برده
ونحط عليها طبقة كريمة








والطبقة التالتة وبسقيها بالعصير وبنفس الطريقة
ونحط عليها كريمة
ونساوي الجوانب بالسكينة




ونحتفظ باللي هيطلع من الجوانب منرمهوش

ونبتدي نغطي الجوانب بالكريمة



ونفس الخطوات للتورتة الشيكولاتة

في التورتة البيضاء

عملت وردات علي الطرف بالكريمة البيضا



وبعدين قطعت الفواكة طرانشات

وبدأت ارصها حول التورتة
هنا حطيت الخوخ





وهنا حطيت طرانشات الكيوي








وهنا حطيت طرانشات التفاح بين طرانشات الخوخ
لاني حسيت ان كده هيبقي احلي ولا ايه



وبعدها الكريز في الوسط

تورتة الشيكولاتة
عملت وردات علي الجوانب بكريمة الشيكولاتة




وبشرت في الوسط شيكولاتة من الخام



ورصيت عليها ورق شجر الشيكولاتة



وفي الوسط كريز احمر واخضر








غطيت جوانب التورتتين بشيكولاتة فورماسيل




لسه فيه باقي

دول التورتتين بعد لما حطيتهم جنب بعض
وبقوا تورتة واحدة كبيرة






ودي صور اقرب

ما شاء اللله عليكى ممتازة و واضح مجهودك وتعبك فيهم الله يباركلك و يعطيكى الصحة و العافيه يارب

وده بعد لما قطعناها وحطيناها في الاطباق







وده اللي بقي منها

بصراحة كانت روعة وجميلة جدا يا ريت تجربوها

واللي قطعته من الجوانب

حطيته في كاسات مع اللي باقي من الكريمة
عملت منه تريفل كيك