النهارده حبيت اعمل حاجه حلوه .. بس زهقت م البسبوسه والكنافه والحاجات المسكره اوى دى
جه على بالى اعمل قرع عسلى ( وكنت سألت عنو قبل كدا هنا ف المنتدى ) .. بس جوزى ملقيش خالص النهارده ( حظ بقا .. )
المهم
حبيت اعمل حاجه شبهه ..قلت اعمل ( بطاطا ) ..وبنفس طريقة عمل القرع
والمقصود ب ( البطاطا ) .. يعنى البطاطا الحلوه اللى هى دى
لانى بلاقى كتير بنات يقولوا على البطاطس .. بطاطا
جبت بطاطا وقشرتها وقطعتها وسلقتها ومعاها سكر
وبعد ما اتسلقت كويس خليت الميه بتاعة السلق على جمب
وجبت دقيق + زبده + ماء السلق + شوية سكر زوغيرين .. وعملت منهم بشاميل علشان احطه عليها
هرست البطاطا ..وحطيت عليها مكسرات م اللى عندى
حطيتها ف طينة ودخلتها الفرن .. لغاية ما وشها اتحمر وبقت شكلها كدا
قطعتها وبعد الفطار اكلناها وبجد كانت تحفه والله
قلت اقولكوا ع تجربتى .. ويارب شكلها يعجبكوا
ودى كمان
يارب تكون عجبتكوا .. والى لقاء اخر فى خربطه اخرى من خرابيطى الغررررررريبه
ههههه
الروابط المفضلة