السلام عليكم
اليوم عملت تشيز كيك و طلع رائع معايا
المقادير حوالى عشرة مغلفات من بسكوت اولكر فيه حوالى ست قطع
حوالى 200 جرام زيدة سايحة
ملعقة كبيرة قرفة
مقدار من الكريم شانتى وانا حطيت مقدار كان عندى فى التلاجة حوالى كوبايتين كبار كريم شانتى
علية زبادى
و علبة جبنة كيرى 12 قطعة
كيس جيلى مشمش
مربى فراولة و جيلى فراولة
الطريقة
الاول طحنت البسكويت و بعدين ضيفت له الزيدة السايحة و القرفة وكانت ريحته مش قادرة اقولكم اد ايه جميلة و شهية
بعد كدا فردته فى صنية التشيز كيك
بعد كدا خبزته فى فرن لمدة عشر دقايق فقط و تركته يبرد
بعد كدا خلطت الكريم شانتىو الزبادى و الجبن و دوبت كيس الجيلى المشمش فى شوية ميه و ضفته لهم و مزجت الخليط كله لغاية ما تجانس تماما
و بعدين صبيت الخليط كله على قاعدة البسكوت
و وضعته فى الفريزر حتى يجمد
و بعد حوالى ثلاث ساعات دوبت الجيلى الفراولة مع نص برطمان مربى فراولة و كوب ماء و دوبتهم على النار لغاية ما امتزجوا
و لما بردت خالص اضفت الخليط السابق للتشيز كيك عشان يبقى اخر طبقة
و رجعت التسيز كيك تانى للفريزر حوالى 3 ساعات
و خرجتها بعد الافطار و كان طعمها رائع و البسكوت القرفة عامله معاه طعم جميل جدا جدا
اتمنى تجربوها و تعجبكم
![]()
الروابط المفضلة