انهارده عملت بسبوسه
بس مش هقولكم حلاوتها هتشوفوها بنفسكم
مش ممكن تقاوموها
ههههههههه
وطبعا قولت انزلها
علشانكم يا قمرات
وكل سنه وانتم طيبيين
البسبوسه مش بنستغنى عنها فى رمضان
اللهم بلغنا جميعا رمضان
المقادير
اولا المقادير ده بطريقه الشيف حسن
وده عن تجربه احسن واضبط مقادير وتكنيك لعمل البسبوسه
بتطلع زى الجاهزة بالضبط شكل وطعم وكل حاجه
بجد التجربه خير برهان
نصف كيلو دقيق بسبوسه سايب من عند العطار لازم سايب يا جماعه
225 جرام سكر
30 جرام جوز هند مبشور
90 جرام سمن بلدى او زيت حسب الرغبه بس بلاش سمنه نباتى
125 جرام ماء للعجن
65 جرام سيرب تقيل جدا هيستخدم جواه العجينه
مقادير السيرب الى بنسقى بيه البسبوسه
2 كوب ماء
2 كوب سكر
عصير ليمونه
ويوضعوا على النار حتى يغلوا فقط
الطريقه
هنحط جميع المقادير مع بعض
ونجمعهم بايدينا من غير عجن حتى الحصول على عجينه مرمله متماسكه
نوعا ما وبسسسسسسس
مش نزودها حاجه تانيه خالص
ونحطها فى صينيه مدهونه بالسمن او الزيت
وانا حطيت عليها بندق
مجروش
بالشكل ده
وتدخليها الفرن حتى تستوى
اول ما تطلع من الفرن وهى ساخنه يكون الشربات بيغلى يا جماعه
ده السر علشان تنجح وتطلع طريه وتحفه تسقيها بيه فورا
وده صورة كمان وهى بتشرب السيرب من قريب
وده لما قطعتها شايقين ناعمه ازاى وطريه وفى نفس الوقت متماسكه
والطعم واااااااااااااااو ولا اروع من كده بجد
ملحوظه لضبط المعيار انا بستخدم الميزان بتاع المطبخ
لو مش عندك ممكن تعايرى بكوب الخلاط بيكون عليه درجات للوزن
او الكوب الى بنعاير بيه المسحوق تغسليه كويس وتخليه كمعيار
او ببرونه الاطفال يعنى انتى اتصرفى هههههههههههههههه
الروابط المفضلة