انهارده جايبه لكم صنف حلو جديد و لذيذ و منعش فى صيف حار جدا
[
الطبق ده فكرته بسيطه و حلوة و هو عباره عن بوله سويس رول و محشيه ايس كريم بالنكهه اللى تحبيها
السويس رول:-
المقادير 6 بيض كبير
1 ك سكر بودره
10 ملاعق كبيره دقيق
فانيليا
2 م.ك ماء مغلى
الطريقه:-
اضربى البيض مع السكر جيدا على ان يكون البيض بدرجه حراره الغرفه و طبعا السكر شرحه
اضربى لحد ما يبهت لون البيض و تشوفى العلامه ...ايه العلامه دى بقه؟؟؟؟؟ العلامه انك لما تشيلى المضرب و ينزل المزيج المضروب منه المفروض انه يترك اثر يدوم 10 ثوانى..عديهم لو راح الاثر قبل الوقت ده اعرفى ان عليكى مواصلة الضرب مره تانيه.
اخلطى الدقيق برقه و سرعه و بحرص و ده بالتناوب مع مقدار الماء المغلى..سخنى الفرن على درجه حراره 180 و حضرى اناء الخبز و اللى هيبقى عباره عن صاج خبز مستطيل ..هتدهنيه زيت و تفرشى فيه ورقه زبدة..صبى الخليك و سويه جيدا و دخليه الفرن بالسلامه
هيقعد من 10 الى 12 دقيقه اكتر من كده هيتكسر منك و انتى بتلفيه.
حضرى له فوطه و رشى عليها سكر بودره و بمجرد ما يطلع اقلبيه على فرشته.
و لفيه و سيبيه خاااالص و بعد ساعه احشيه و لفى تانى.....انا هنا حشيته بمبربى كريز منزلية الصنع.
ممكن تحشيه بكريمه خفق او ممكن الاتنين انتى و كرمك و فضاااااوتك.
سيبيه فى التلاجه و قطعيه الى شرائح بعد ما يبرد تماما ...هاتى بوله و بطنيها بفويل او ورق بلاستيك... و رصى فيها وحدات السويس رول.. و صبى فى قلبها اى نكهه ايس كريم بتحبيه...ممكن يبقى جاهز او مزيج سريع التحضير او لو بتجيدى عمل الايس كريم اعمليه فى البيت و نوعى فى النكهات و زاوجى بينها كالوان و نكهات على مزاجك.
وصفه مقترحه لايس كريم بالفانيليا
اخلطى 2 و نصف كوب كريمة خفق مع نصف كوب من السكر و الفانيليا و قلبيها بخفه و صبيها فى ماكينة الايس كريم او لو ماعندكيش حطيها فى علبه فى الفريزر و بمجرد ما تبدأ فى التجمد خرجيها و اضربيها بخفه و دخليها تانى ..كررى الخطوة دى مرتين و سيبيه يجمد فى الفريزر.
وصفه مقترحه لايس كريم شوكولاته.....اخلطى 2 كوب كريمه مع كوب سكر مع 3 م.ك كاكاو.. و على نار هادية قلبيها برفق حتى تتجانس كل المكونات و ارفعيها و اتركيها تبرد بدرجة حراره الغرفه..و سيبيها تسقع فى التلاجه و صبيها فى الماكينه او اتبعى نفس التكنيك اللى سبق و شرحته قبل كده...بس خلاص
انا هنا حشيته بايس كريم كريمة الرازبيرى.

يالا جربوها و قولوا لى رأيكم و كل سنه و انتوا كلكم طيبين

وانتي طيبة
ويسلمو كثير عالوصفة

كل عام و انت بخير
و تسلم دياتك علي الحلي الرائع

كل سنة وانت طيبة ...يسلمو ايديك ياعسل

الله شكله راائع جدا
الله يعطيك العافية

يسلممممممممممم شكلها حلو

أمممم مبين لزيز
يسلموا هالايدين
^^

يسلموا ايديكي يا شهيره انتي وين بطلتي تفوتي زي اول
وصفته رائعه والله
ياريته الف صحه وهنا علي قلبكم

بارك الله فيك لو سمحتي لي سؤال هل السكر اللي استعملتيه في السويس رول هو مثل سكر الأسرة أم البودرة يعني رطب ليس حبيبات.؟
وسؤال ثاني هل توجد كريمة الايس كريم بودرة في السوبر ماركت أم جاهز؟

كل عام وانت بالف خير

يسلمو ايديك شكلها في غاية الروعة ياقمر