كل سنه وانتم بالف خير
طبقت بلح الشام وصفة الغاليه نور (still_here)
الله يجزاها كل الخير ويسلم ايديها يارب عالوصفه ويرزقها الذريه الصالحه يارب
بجد باكله مش مصدقه جاااااااااااااااااااهز يا ناس يا هو وايه كمان عمايل ايديا وحياة عنيا
روعه مقرمش من بره وهش من جوا حاجه خيال من حماسي للوصفه واوريهالكم قدمته ببساطه لكن لو بس الدوخه كنت حشيته شانتيه وقشطه زي اللي كان بيشتريهولي بابا الله يرحمه
الحلو بطريقة نور انها بتوضح التفاصيل وانا من الناس دي اللي بتهتم بالتفاصيل
يعني قالت المقلايه تاخد 15 ق
وفعلا انا هديت النار خالص العين الكبيره واخدت 25 ق تعبت شويه لكن نتيجه مرضيه
انا طبقت نص المقادير
واضفت زيت وسمنه
والبيض اخدت 2 بيضه خليتها اجمد شويه من الاكلير عشان سهولة تشكيله
ملحوظات مهمه
التقليب افضل شئ بخلة الشوي روعه
وطريقة تشكيل شيف اسامه هي بمقص بكل شياكه اسهل من ايديكي والعجينه تلزق ويطلع شكل غير منسق
وشيف حسن بيشكل بزيت بارد وبعدين يولع النار عملت كدا كله سوا واحد
دعواتكم لي يا اخواتي
الروابط المفضلة