انهاردة جايبالكم أول مشاركة ليا فى ركن الحلويات الأرز باللبن

المقادير بالظبط وهيطلع وهمىىىىىىىىىىىىىىىى

كيلو لبن

8 ملاعق سكر ( وطبعا اللى يزود براحته على حسب الرغبة )

فانيليا

1\2 كوب أرز

4 ملاعق نشا

نص ملعقة قرفة

نبدأ

الأول نسلق الأرز ونسلقة فى لبن مش ميا وده بيخليه زى الجاهز بالظبط وممكن

مع اللبن معلقة قشدة مع الأرز وهو بيتسلق واااااااااااااااااااااو

ونسيبه لما يتسلق خالص ويتشرب اللبن وبيكون شكله كدة بيتقل









بعد كدة بنضيف اللبن ومعاه السكر والقرفة ويفضل اضافة القرفة فى هذه المرحلة لانها لو اتضافت بعد النشا بتتكتل ونستمر فى التقليب ونضيف النشا المذابة فى البن بردو مش الماء أثناء غليان اللبن يعنى بعد اضافة السكر والقرفة ولما يبدأ يفور نضيف النشا ونقلب هنلاقى القوام بقى سميك نضيف الفانيليا فى الاخر خالص

واضافة ام مريومة صديقتى الجميلة بولة الايس كريم مع العسل

وده أول طبق لأول رد وبألف هنا

يسلمو ايديك حبيبتي ام جوري وصحتين وعافية يارب

شكله جميل اوى اختى ماشاء الله.

يسلموا ايديك يا قمر والله يعطيك العافية

تسلم الايادى الحلوه