بما اني من عشاق الكيك وكل يومين اعمل صينية كيك قمت من شوية عملت كيك الماربل الي هو خليط بين الكيك الابيض وكيك الشوكولاتة وريحته قلبت الدنيااا

الي جابت الشاي بس هي الي هتاخد قطعتين................... من غير كباية الشاي يبقي قطعة واااااااحدة

المقادير عملتها في صينية 28..هي كل مرة بتعلي اكتر من كدة بس البيض كان صغير المرة دي بس بجد هشة جداااااا ماشاءالله ودة باين في الصور

4 بيضات..فانليا
2 كوب دقيق
نصف كوب كاكاو خام مر
كوب زيت
كوب لبن
كوب ونصف سكر
باكو بيكنج بودر بالمعلقة المعيارية معلقة كبيرة وتلت ارباع المعلقة

بضرب كله في الخلاط البيض لمدة دقيقتين ثم السكر دقيقتين كمان ثم الزيت ثم اللبن ضربتين كدة واصب الخليط في طبق عميق واضيف الدقيق المضاف اليه بيكنج بودر معلقة معلقة واخلط بالمضرب الكهربائي علي اقل سرعة ومجرد مايختفي الدقيق اوقف ضرب
اصب تلت ارباع الخليط في الصينية ثم اخد الربع الباقي اضيف عليه نصف كوب الكاكاو واضرب ضربة بالمضرب وارجع اضيفه علي الخليط الابيض في الصينية واوزعه بس انا باخد اكتر من ربع الخليط عشان بحب طعم الكاكاو في الكيك

يخبز علي درجة 180 لمدة 38:40 دقيقة

يالا فين كباية الشاي؟؟؟

بارك الله فيك
تسلم الايادى

ايممممممممممممممممممممم

انا عندى قهوه ينفع

ههههههههههههههههه

مشكوره وشكله مغرى تسلم ايديك عزيزتى

وفى انتظار جديدك

يسلمووووووووو
كتير حلو

واااااااااااااااااااااو
حاجه مش عاديه
انا حناخذ معاها نسكافيه حبيبتي
خمس دقايق ونكون عندك هههههههههه

تسلم دياتك يا رب
هنا وعافية

ممممم
مو طبيعي شكلها بيشهي
يعطيك العافيه

ينفع طبعا قهوةةةةة ونسكافيه وكل انواع المشروبات متقولش لاء
نورتووووووني

ما شاء الله رائع و يلا انا قايمه اعمل شاي للكل ههههههه
تسلم الايادي

كيك رائع
تسلم الايادي